Foto: Ashyq derekkóz
Qadaǵalaýshy organnyń málimetinshe, áleýmettik jeliler men ınternet-resýrstarda «onlaın I konsýltasııa berý jáne qoldaý quqyǵy» degen ataýmen jarııalanǵan beınerolık 240 myńnan astam qaralym jınaǵan. Onda azamattarǵa aqshalaı qarajatty qaıtarýǵa memlekettik organ atynan járdem kórsetý usynylady.
Alaıda tekserý barysynda atalǵan beınematerıaldyń jasandy ıntellekt (dıpfeık) tehnologııalaryn paıdalana otyryp jasalǵany anyqtalǵan. Onyń negizgi maqsaty – azamattardy adastyryp, keıinnen olardyń qarajatyn jymqyrý.
Sonymen qatar, beınerolıkte kórsetilgen «Investısııalardy baqylaý agenttigi» degen ataýmen Qazaqstanda eshqandaı memlekettik organ joq ekeni resmı túrde habarlandy.
Quzyrly organnyń túsindirýinshe, quqyq qorǵaý jáne memlekettik organdar qyzmetkerleriniń beınesin paıdalaný – alaıaqtardyń azamattardyń senimine kirý tásilderiniń biri. Mundaı aıla-tásilder adamdardy jalǵan aqparatqa ılandyrýdy jeńildetedi.
Bas prokýratýra azamattardy jalǵan aqparat taratýdan bas tartýǵa shaqyrdy
Bas prokýratýranyń tapsyrmasy boıynsha Ishki ister mınıstrligi atalǵan beınematerıaldy ázirleýge jáne taratýǵa qatysy bar tulǵalardy anyqtaý maqsatynda tekserý júrgizip jatyr. Kináliler zańnamaǵa sáıkes jaýapkershilikke tartylady.
Osyǵan baılanysty Bas prokýratýra azamattardy barynsha qyraǵy bolýǵa úndeıdi. Áleýmettik jelilerde, messendjerlerde jáne ózge de ınternet-resýrstarda taralatyn aqparatqa synı kózqaraspen qarap, kúmándi siltemelerdi ashpaý qajet. Sondaı-aq jeke derekterdi jáne aqshalaı qarajatty úshinshi tulǵalarǵa bermeý mańyzdy.
SMS-blaster men dıpfeık: Bas prokýratýra 18 jańa kıberqaýipti anyqtady
Aıta keteıik, memlekettik organdar messendjerler, áleýmettik jeliler nemese bógde onlaın-platformalar arqyly aqsha qarajatyn qaıtarý boıynsha qyzmet kórsetpeıdi.
Osyndaı derekter anyqtalǵan jaǵdaıda azamattarǵa quqyq qorǵaý organdaryna dereý júginý nemese «102» nómirine habarlasý usynylady.
Alaıaqtyqtyń jańa tásili tarady: Qaskúnemder daýysyn ózgertip, senimge kiredi
