Elorda • 18 Tamyz, 2020

Elordada zańsyz káriz saldarynan kollektorlar júktemesi artqan

139 ret kórsetildi

Elordadaǵy kollektorlar jeke turǵyn úılerdiń nóserlik káriz júıesine zańsyz jalǵanýynan qoqysqa tolǵan. Bul týraly ákimdiktiń resmı saıtyna silteme jasaı otyryp Egemen.kz habarlaıdy.

Qalanyń nóser kárizderin tolyq tekserý kezinde kollektorlarǵa 60-tan 100%-ǵa deıin qoqys tolǵany anyqtaldy. Sol sebepti qatty jańbyr kezinde sý qubyrlardan ótpeıdi.

"Tekserý barysynda zańsyz jalǵanǵan faktiler jıi kezdesetini anyqtaldy: jeke turǵyn úılerdiń, keńselerdiń jáne basqa da qurylys ıeleri kárizdi óz nysandarynan nóser júıesine jalǵap shyǵarǵan. Aǵyndy sýlardy, turmystyq qaldyqtardy, qurylys qoqystaryn, jýǵysh zattar men basqa qoqystardy ruqsatsyz tógý nóser kárizi men tazartý qondyrǵylarynyń jumysyna salmaq túsiredi, sondyqtan sorǵylar únemi bitelip qalady", dep túsindirdi uıym ókilderi.

Bul máseleni sheshý úshin kommýnaldyq kásiporyn nóser káriziniń barlyq júıesinde jınalǵan qumnan, tunbadan jáne basqa da qoqystardan tazartyp, aýqymdy jumys júrgizýde. Qazirgi ýaqytta tazartý jumystary qalanyń barlyq aýdandarynda júrýde. 150 tonnadan astam qoqys pen balshyq shyǵarylǵan.

Nóserlik tazartý qondyrǵylary jańbyr, erigen jáne jer asty sýlaryn burýǵa arnalǵan. Olardyń arnaıy súzgileri osy sýlardy tazartyp, óńdeıdi, biraq turmystyq qaldyqtardy ótkize almaıdy. Ońtústik-Shyǵys turǵyn alabyndaǵy úıler, Agroqalashyq, Kóktal, "Artem" bazary aýdany jáne basqa da jeke sektorlar óz betinshe nóser kárizine qosymsha baılam jalǵaǵan.

"Elorda Eco System qyzmetkerleri Nur-Sultan qalasy ákimdigimen jáne ekologııalyq polısııamen birlesip turaqty túrde ónerkásiptik, sharýashylyq-turmystyq qaldyqtardy qalalyq nóser kárizine zańsyz tógý faktilerin anyqtaý boıynsha reıdter júrgizýde. Búgingi kúni 762 jańbyr qudyǵy tekserildi. Bul baǵyttaǵy sharalar qalanyń barlyq tórt aýdanynda jalǵasady", dep atap ótti kommýnaldyq kásiporyn ókilderi.

Reıd barysynda 40 zań buzýshylyq deregi anyqtaldy. "Han Shatyr" SOO aýdanynda jáne Hýseın ben Talal kóshesinde nóser kárizi jelisinde taza emes sýdy aǵyzýdyń eki jaǵdaıy tirkeldi. Sondaı-aq aıyppul salynǵandardyń biri ekinshi ret zań buzǵan jaǵdaı tirkeldi. Atalǵan fakti boıynsha tekserý júrgizilýde.

Barlyq tártip buzýshylar ákimshilik jaýapkershilikke tartylyp, jalpy somasy 222 240 teńge aıyppul salyndy. Elordanyń tórt turǵyny eskertý aldy.

Nóser kárizine ruqsatsyz baılamdar jalǵaný boıynsha zań buzýshylyq rastalǵan kezde, menshik ıesi anyqtalady. Keıinnen oǵan sý burý júıesin sáıkestikke keltirý qajeti týraly habarlama jiberiledi. Belgilengen fakti joıylmaǵan jaǵdaıda, ekologııalyq polısııamen birge jaýapkershilikke tartý boıynsha zańdy sharalar qoldanylady. Quqyq buzýshylarǵa «Ákimshilik quqyq buzýshylyq týraly» QR Kodeksine sáıkes 20 AEK (55 560 teńge) mólsherinde aıyppul salynady. Zańdy tulǵalar úshin jaza mólsheri áldeqaıda joǵary. Aıta keteıik, qalanyń nóserlik káriz júıesine 26 myń jańbyr qudyǵy, 354 km kollektor jáne 56 km aryq kiredi.

Qala kóshelerin sý basýdy bolyrmaý úshin 3 iri nysan káriz jáne tazartý qurylystary júrgizilýde. Aýqymdy jobalardyń biri – "Molodejnyı" shaǵyn aýdanynda (Táshenov jáne Amman kósheleriniń qıylysy) tazartý qurylystaryn salý. Bul Táshenov, Baraev, Ýálıhanov, Imanbaev kósheleri jáne Respýblıka dańǵylyn sý basýyn boldyrmaýǵa múmkindik beredi. Joba 2021 jyly tolyǵymen aıaqtalady.

Bıyl kúzde B.Momyshulynyń problemalyq ýchaskesinde nóser káriziniń magıstraldy kollektorynyń qurylysy aıaqtalady (Daýylpaz kóshesinen Elım-aı kóshesine deıin). Osy jyldyń sońyna deıin Telman turǵyn alabynda tazartý qurylystary men magıstraldy kollektordyń qurylysy aıaqtalady. Qýattylyǵy táýligine 36 myń tekshe metrden asady. Jobany iske asyrý Telman turǵyn alabyn, № 27 kóshe boıyndaǵy perspektıvalyq qurylys aımaǵyn jáne t. b. qamtıtyn jer ústi aǵyndaryn burýdy qamtamasyz etýge múmkindik beredi. 2019 jyly Myńjyldyq alleıasy aýdanyndaǵy eki ýchaske boıynsha nóser kárizi máselesi sheshildi.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar