Qala ákiminiń pandemııamen kúrestiń negizgi qorytyndylary týraly esebi tyńdaldy. Onyń aıtýynsha, koronavırýstyq ınfeksııaǵa baılanysty bir táýliktegi jedel járdem shaqyrý 500-den 11-ge deıin, ınfeksııalyq stasıonarlardyń júktemesi 4 myńnan 283 naýqasqa deıin azaıǵan.
Altaı Kólginovtiń málimetinshe, qala kúzde bolýy yqtımal ınfeksııalardyń taralýyna daıyndyq jumystaryn bastap ketti. Atap aıtqanda, dári-dármekterdiń qory jınaqtalyp, qajet jaǵdaıda stasıonarlarda qosymsha oryndar jasaqtalady. 511 ottegi konsentratorlary qosymsha satyp alyndy, qazir jalpy 1435 apparat bar.
Qazir ókpeni jasandy tynystandyratyn 414 apparat bar. Sondaı-aq, 600-den astam floýmetrler, 500 arnaıy tósek oryndar satyp alyndy. Jedel járdem stansııalary 24 jańa kóliktermen qamtamasyz etiledi.
Kezdesýde jańa oqý jylyna daıyndyq jumystary da sóz boldy. Qala ákimi Memleket basshysyna bıyl 20 myń oqýshyǵa arnalǵan 12 mektep paıdalanýǵa beriletinin aıtty. Az qamtylǵan otbasylardan shyqqan balalarǵa 34 500 kompıýter, mektep kıimi jáne oqýshynyń qural-jabdyqtary beriledi.
Prezıdent Qasym-Jomart Toqaev qalany odan ári damytýǵa qatysty birqatar tapsyrma berdi. Atap aıtqanda, Memleket basshysy úleskerlik qurylys, jańa jumys oryndaryn ashý, ınvestısııalardy tartý, turǵyn úılerdiń ınfraqurylymdaryn jańartý máselelerin sheshýdiń mańyzdylyǵyn atap ótti.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
