Azamattarǵa yńǵaıly bolý úshin dárilerdiń shekti qunyn reglamentteıtin normatıvtik quqyqtyq aktige jáne ýákiletti organnyń Call-ortalyqtarynyń nómirlerine siltemeler QR-kodqa ornatylǵan.
Bul bastama dárihanalardyń suranysqa ıe dári-dármekterdiń baǵasyn kóterýiniń tejeýshi faktory bolyp tabylady. Buǵan deıin Sybaılas jemqorlyqqa qarsy qyzmet, arnaıy monıtorıngtik toptar men "Adaldyq alańy" jobalyq keńseleriniń ókilderimen birlesip 4500-ge jýyq dárihana, 300 medısınalyq buıymdar qoımasy, 380 aýrýhana men emhananyń qyzmetine monıtorıng júrgizdi.
Nátıjesinde, negizgi bóligi dári-dármekterdiń baǵasyn negizsiz kóterýge baılanysty 280-nen astam buzýshylyq anyqtaldy. Barlyq anyqtalǵan buzýshylyqtar boıynsha materıaldar Taýarlar men qyzmetterdiń sapasy men qaýipsizdigin baqylaý komıtetine jiberildi. Budan bólek, 66 ákimshilik hattama toltyryldy. Salynǵan aıyppul somasy – 10 mln teńge.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
