"Barlyq ótinish bildirgen 405 adamnyń 173 áıelder, sonyń ishinde 7 kópbalaly analar", dedi ol. "Kandıdattardyń jastaryna keletin bolsaq, 35-ten 50 jasqa deıingi kandıdattardyń úlesi – 46 paıyz, al 35-ke deıingiler-24 paıyz. Qyzmet etý salalaryn alatyn bolsaq, 49 paıyzdyq eń úlken úlesti bilim salasynyń qyzmetkerleri alyp otyr. Odan keıingi orynda ShOB ókilderi. Olar 12 paıyzdyq úlesti ıelengen. Sonymen birge aýylsharýashylyǵy, densaýlyq saqtaý, sport, mádenıet salasynyń ókilderi de bar", dedi óziniń sózinde Ásem Rahmetova.
Eske sala ketetin bolsaq, praımerızge qatysýshylardyń úgit-nasıhat jumystary 7 qyrkúıekten bastalyp, 3 qazanda aıaqtalady. Ony kandıdattardyń ózderiniń jeke qarjylarynyń esebinen júrgizedi. Sheteldik zańdy tulǵalar men azamattarynyń qarjylandyrýyna tıym salynǵan. Sondaı-aq memlekettik organdardyń qarjylandyrýyna da bolmaıdy.
Ásem Rahmetova óziniń sózinde kandıdattardyń debattarǵa qatysyp, ózderiniń baǵdarlamasyn aıtýy mindetteletinin eskertti.
"Olarǵa kez kelgen qatysýshy suraqtar qoıa alady. Debattyń uzaqtyǵy 90 mınótten aspaıdy. Qalalyq jáne aýdandyq máslıhattarǵa qatysýshylar kem degende bir debatqa, oblystyq máslıhatqa ótýden úmitkerler eki debatqa jáne Májilis depýtaty bolýdy qalaıtyndar úsh debatqa qatysýy kerek", dedi Á.Rahmetova.
Úmitkerlerge daýys berý qazan aıynyń 1 men 3 aralyǵynda ótedi.
