Qazir pandemııaǵa baılanysty Qazaqstan jáne Reseı shekarasy jabyq tur. Osy sebepti barsha stýdentterge qashyqtan oqý usynylǵan. Alaıda stýdentter qashyqtan oqýdyń sapasy básekege qabiletti bolmaıdy dep otyr. Sondaı-aq medısına jáne shyǵarmashylyq baǵytta qashyqtan oqý múldem múmkin emes delingen stýdentter ótinishinde.
"Biz, reseılik JOO stýdentteri, shekaralar jabyq bolǵandyqtan oqýymyzǵa orala almaı otyrmyz, kirýge ruqsat berýińizdi suraımyz", - delingen ótinishte.
Tomsk memlekettik basqarý jáne radıoelektronıka ýnıversıtetiniń stýdenti Ekaterına Vınıchenkonyń aıtýynsha, hatqa onyń myńǵa jýyq otandasy - qazaqstandyq stýdentter qol qoıǵan. Olar jataqhanada kıimderi men noýtbýkteri qalǵanyn aıtady.
