QR Bas memlekettik sanıtarlyq dárigeri Aıjan Esmaǵambetovanyń qaýlysyna sáıkes 17 tamyzdan bastap elimizde karantın sharalary jeńildetilip, biraqatar kásipkerlik nysannyń jumysyna qaıta ruqsat berildi.
Alaıda, karantındik shekteýler demalys kúnderi saqtalady.
Osyǵan oraı, 22 jáne 23 tamyz kúnderi saqtalatyn shekteýlerdi eske salamyz:
- qoǵamdyq kóliktiń qozǵalysyna;
- 65 jastan asqan adamdardyń kóshege shyǵýyna;
- saýda, oıyn-saýyq ortalyqtary (ondaǵy azyq-túlik sýpermarketteri men dárihanalardy qospaǵanda), saýda úıleriniń, saýda jelileriniń jumysyna;
- azyq-túlik emes jáne azyq-túlik jabyq bazarlarynyń jumysyna;
- sulýlyq salondary, shashtarazdar, SPA-ortalyqtary, kosmetologııalyq qyzmet kórsetetin nysandardyń jumysyna;
- fıtnes-ortalyqtar men sporttyq-saýyqtyrý ortalyqtar, qoǵamdyq monshalar, saýnalardyń jumysyna;
- balalar men eresekterge arnalǵan bilim berý ortalyqtarynyń, túzetý kabınetteriniń jumysyna;
- ashyq aýada attraksıondardyń jumysyna tyıym salynady.
Sondaı-aq 17 tamyzdan karantınniń jeńildetilýine qaramastan, birqatar nysannyń qyzmetine jumys jáne demalys kúnderi de ruqsat berilmegen edi. Atap aıtqanda,
- barlardyń, túngi jáne oıyn klýbtarynyń, karaoke, fýdkorttardyń, kınoteatrlardyń jáne balalar men eresekterge arnalǵan basqa da oıyn-saýyq oryndarynyń jumysyna;
- mádenıet nysandarynyń, mýzeılerdiń qyzmetine, konferensııalar, kórmeler, forýmdar ótkizýge;
- oıyn-saýyq, sporttyq, otbasylyq, estelik, saltanatty jáne basqa da buqaralyq is-sharalardy ótkizýge, sonymen qatar úıde ótkizýge; - basseınder, qalalyq jáne qoǵamdyq jaǵajaılar, ashyq akvaparkterdiń jumysyna;
- dinı nysandardyń jumysyna; - qala mańyndaǵy jolaýshylar poıyzdarynyń/elektrıchkalardyń qozǵalysyna, jumys poıyzdaryn, qalaaralyq avtobýstardy/mıkroavtobýstardy qospaǵanda, ortaq vagondardy qurýǵa tyıym salynady.
