Abaı • 21 Tamyz, 2020

Eraly Toǵjanov "Abaı akademııasy" ǵylymı-zertteý ınstıtýtyn damytý jónindegi keńeske qatysty

91 ret kórsetildi

Búgin qazaqtyń Uly aqyny Abaıdyń 175 jyldyǵyna oraı L. N. Gýmılev atyndaǵy Eýrazııa ulttyq ýnıversıtetinde QR Premer-Mınıstriniń orynbasary Eraly Toǵjanovtyń tóraǵalyǵymen kóshpeli keńes ótti, - dep habarlaıdy Egemen.kz Premer-Mınıstrdiń baspasóz qyzmetine silteme jasap.

Qazaqstan Respýblıkasy Premer-Mınıstriniń orynbasary Eraly Toǵjanov alǵy sózinde Abaı shyǵarmalaryn halyq arasynda, ásirese, óskeleń urpaq arasynda keńinen túsindirý men nasıhattaý qajettigin atap ótti.

Is-shara barysynda L. N. Gýmılev atyndaǵy Eýrazııa ulttyq ýnıversıtetiniń rektory Erlan Sydyqov «Abaı akademııasy» ǵylymı-zertteý ınstıtýtynyń qyzmeti men josparlary týraly baıandady.

Baıandamashy «Abaı akademııasy» ǵylymı-zertteý ınstıtýtynyń QR Prezıdenti Q. K. Toqaevtyń tapsyrmasymen 2019 jylǵy jeltoqsanda Uly aqynnyń shyǵarmashylyq ómirbaıanyn obektıvti baǵalaý jáne tereń zertteý úshin Eýrazııa ulttyq ýnıversıtetinde ashylǵanyn jáne búginde 100-den astam ǵalymnyń akademııa aıasynda etnolıngvıstıka, áleýmettaný, tarıh jáne mádenıet turǵysynan Abaı jumystaryn zerttep jatqanyn habarlady. «Abaı akademısy» ǵylymı-zertteý ınstıtýty ashylǵannan beri 100 danadan 16 kitap shyǵaryp, tanystyrdy, sonymen qatar jyl sońyna deıin 10-ǵa jýyq ǵylymı eńbek shyǵarýdy josparlap otyr.

EUÝ rektory ınstıtýttyń zertteý baǵytyndaǵy óz usynystary boıynsha odan ári jumys júrgiziletinin  aıtyp ótti. Abaıdyń Qara sózderine jańa túsinik berý, «Abaıdyń aqyndyq álemi» taqyrybynda monografııalar, ǵylymı eńbekter shyǵarý men taratý, «Abaı jáne qazaq qoǵamy» taqyrybynda gýmanıtarlyq ǵylymdar salasynda zertteýler júrgizý, abaıtanýshylardyń eńbekterin serııalarda basyp shyǵarý usynyldy. Ýnıversıtet rektory «Abaı Qunanbaevtyń murasy: qoǵamdyq-gýmanıtarlyq ǵylymdar aspektisindegi jańa uǵym», sondaı-aq «Qazirgi Qazaqstan jáne Abaı Qunanbaevtyń murasy: sabaqtastyq jáne yqpal» atty eki ǵylymı jobaǵa basa nazar aýdardy.

Sondaı-aq osy jobalardyń ǵylymı-zertteý traektorııasy anyqtalyp, oǵan Abaıdy zertteý boıynsha barlyq ortalyqtar qatysa alatynyn atap ótti. Jobalar aıasynda aqynnyń murasy týraly ǵylymı basylymdar (monografııalar, ǵylymı eńbekter, oqý materıaldary) shyǵarý, sondaı-aq qazaq jáne álem ádebıeti, tarıh máseleleri boıynsha sheteldik ǵalymdarmen, halyqaralyq birlestiktermen, ǵylymı ortalyqtarmen birlesken jumys josparlanyp otyrǵanyn tilge tıek etti.

Keńes qorytyndysy boıynsha QR Premer-Mınıstriniń orynbasary Eraly Toǵjanov birqatar mınıstrlikterge naqty tapsyrmalar júktedi jáne Bilim jáne ǵylym mınıstrligine «Abaı akademııasy» ǵylymı-zertteý ınstıtýtynyń bastamalaryn qoldaý qajet ekenin erekshe atap ótti.

Buǵan qosa keńeske qatysýshylarǵa atalmysh ınstıtýttyń qyzmeti Qazaqstan Prezıdenti Qasym-Jomart Kemeluly Toqaevtyń baqylaýynda ekenin eske saldy.

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.


Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar