Qazaqstan • 21 Tamyz, 2020

Memlekettik organdarǵa arnalǵan jeńil kólikke 15 mlrd teńge jumsalǵan

26 ret kórsetildi

Qarjy mınıstrligi Memlekettik satyp alý týraly zańnama departamentiniń dırektory Sábıt Ahmetov karantın kezeńinde avtomobıl men jıhaz satyp alǵan memlekettik organdar týraly aıtty, dep habarlaıdy Egemen.kz

"Búginde kólik quraldaryn satyp alý faktileri bar. Biraq kóbisi Memleket absshysynyń tapsyrmasyna deıin tapsyrys berilgen dúnıeler ekenin de eskerý kerek.Qalǵan jaǵdaılar tekserilip jatyr.Biz qazirdiń ózinde kóptegen memlekettik organdar, quqyq qorǵaý organdary memlekettik satyp alýmen aınalysqanyn bilemiz.Sondaı-aq karantın kezinde  sanıtarlyq-epıdemıologııalyq qyzmetterge arnalǵan arnaıy patrýldik kólikter jáne tótenshe jaǵdaılar qyzmeti satyp alǵan kólikter de bar" dedi ol onlaın-brıfıngte.

Sábıt Ahmetovtyń aıtýynsha, memlekettik satyp alý aıasynda jeńil kólikke jumsalǵan ortasha shyǵyn 4,6 mıllıon teńgeni quraıdy.

"Bul, ádette, orta klasstaǵy jeńil avtomobılder. Bıyl shekteýlermen qatar satyp alynǵan kólikter ótken jylmen salystyrǵanda úsh ese az",  dep tolyqtyrdy sheneýnik.

Sábıt Ahmetov 2019 jyly memlekettik satyp alý arqyly 4,5 myń kólik satyp alynǵanyn aıtty. Onyń 15 mlrd teńgesi jeńil kólikterge jumsaldy. Qalǵan satyp alý kommýnaldyq qyzmetterge arnalǵan arnaıy kólikterdi satyp alýǵa baılanysty: traktorlar, býldozerler, tazartqysh zattar.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar