Bilim jáne ǵylym salasyndaǵy oqytýshylar men jumysshylardyń respýblıkalyq tamyz jınalysynyń plenarlyq otyrysynda Ashat Aımaǵambetov buǵan deıin muǵalimderdi shekten tys júktemeler men men qaǵaz júzindegi esepterden bosatý týraly buıryqqa qol qoıǵanyn atap ótti.
"Muǵalim kúnine eki-aq qujat toltyrý kerek, biz óz áriptesterimizdi basqa júktemelerden bosattyq. Al bul tártipti buzǵandar úshin ákimshilik jaýapkershilik qarastyrylǵan. Endi kolledjderde, ýnıversıtetterde, balabaqshalarda esep berý kúrt azaıady. Ondaǵan buıryqtar joıyldy jáne bul jumys jalǵasady", - dedi Bilim mınıstri.
Aımaǵambetov bul erejeni buzýshylar "aıaýsyz jazalanady" dep basa aıtty.
"Qysqa ýaqyt ishinde 30-ǵa jýyq basshy jazalanyp, ákimshilik nemese tártiptik jaýapkershilikke tartyldy. Sondaı-aq biz ata-analardy nemese basqa zańdy ókilderdi muǵalimderdiń quqyǵyn buzǵany úshin jaýapkershilikke tartamyz. Bul jumys jalǵasady", - dep túıindedi ol.
