Úkimet • 22 Tamyz, 2020

Úkimet 2021 jyly zeınetaqyny kóbeıtýdi josparlap otyr

9490 ret kórsetildi

Úkimet 2021 jyldyń 1 qańtarynan bastap qazaqstandyqtardyń zeınetaqysyn qanshaǵa arttyrýdy josparlap otyrǵany belgili boldy, - dep habarlaıdy  Egemen.kz Tengrinews.kz saıtyna silteme jasap. 

"Jasyna baılanysty jáne eńbek etken jyldary úshin zeınetaqy tólemderine baǵyttalǵan qarajat mólsheri 2021 jyldyń 1 qańtarynan bastap 7 paıyzǵa arttyrýdy eskere otyryp belgilensin", - delingen "2021-2023 jyldarǵa arnalǵan respýblıkalyq bıýdjet týraly" zań jobasynda.

Zań jobasynda Qazaqstan Respýblıkasynyń Prezıdenti aıqyndaǵan maqsattarǵa Ulttyq qordan respýblıkalyq bıýdjetke bir trıllıon teńge somasynda nysanaly transferttiń 2021 jylǵa arnalǵan josparlary týraly habarlandy.

Eske salaıyq, 2020 jyly zeınetaqy mólsheri eki ese ósti. Birinshi ret josparly túrde 1 qańtardan bastap zeınetaqy mólsheri 7 paıyzǵa artty, bul rette eń tómengi zeınetaqy 38 636 teńge boldy. Memlekettik bazalyq zeınetaqy tóleminiń mólsheri 5 paıyzǵa artty, al onyń eń tómengi mólsheri 16 839 teńge boldy.

Ekinshi ret sáýirde Prezıdent Qasym-Jomart Toqaevtyń tapsyrmasy boıynsha zeınetaqylar men barlyq áleýmettik tólemniń jyldyq mánde 10 paıyzǵa ındeksteldi.

Sońǵy jańalyqtar

Uqsas jańalyqtar