Ázirge syrqatqa shaldyǵýshylardyń arasynda eshkimde ólim deregi tirkelmedi. Mán-jaıdy tolyǵyraq "Pedıatrııa jáne balalar hırýrgııasy ǵylymı ortalyǵy" AQ Basqarma tóraıymy, dáriger Rıza Boranbaeva Ortalyq kommýnıkasııalar qyzmetinde ótken brıfınginde tarqatyp ótti.
Dáriger Rıza Boranbaevanyń aıtýynsha, eresekterge qaraǵanda balalar koronavırýs ınfeksııasyn sırek juqtyrady. Olarda klınıkalyq sımptom baıqalmaıdy jáne aýrýhanaǵa sırek jatqyzylady. Budan bólek, balalarda aýrý sımptomsyz, jeńil túrde ótedi. Alaıda olar da indettiń aýyr túrimen aýyrýy múmkin ekenin qosa ketti.
"Pandemııa bastalǵannan beri Qazaqstanda koronavırýs ınfeksııasyn shamamen 2500 bala juqtyrdy. Onyń ishinde 111 sábı bar. 80 paıyz jaǵdaıda balalar koronavırýs ınfeksııasy sımptomsyz, jeńil formada ótti. Tek 20 paıyz jaǵdaıynda balalar aýrýdy ortasha jáne aýyr formada ótkizdi. Bul kóbine sozylmaly aýrýy bar balalarda baıqaldy. Osylaısha koronavırýs ınfeksııasy olardyń jaǵdaıyn qıyndatty. Olardyń arasynda ólim deregi tirkelgen joq", dedi dáriger.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
