Qoǵam • 24 Tamyz, 2020

Psıhoterapevt: Koronavırýstyq indettiń mentaldyq densaýlyqqa da zııandy yqpaly bar

76 ret kórsetildi

Almatydaǵy Kardıologııa jáne ishki aýrýlar ǴZI psıhoterapevti Rashıd Azızovtyń aıtýynsha, koronavırýs pandemııasy tán densaýlyǵyna qaýip tóndirgennen basqa mentaldyq densaýlyq salasyndaǵy problemalarǵa da túrtki bolyp, halyqtyń úreıin  arttyrdy, - dep habarlaıdy Egemen.kz.

Úreılený mıda qozý oshaǵyn qurýǵa qabiletti bolady da, olar jumyldyrý vegetatıvtik prosesterin belsendendire otyryp, nerv júıesiniń belgili bir qurylymy arqyly  aǵzada kúızelis gormondarynyń kaskadtyq shyǵarylýyna jol beredi. Nátıjesinde túrli kúızelis reaksııalary týyndaıdy. Olar ártúrli kórinistermen, ıaǵnı ómir súrý sapasyn tómendetýge áser etetin jeńil úreılený kúıinen bastap baıbalam salýǵa deıin, al keıde adamnyń beıimsizdikke shaldyǵý prosesine deıin áser etýimen aıqyndalady.

Sozylmaly kúızelis psıhosomatıkalyq buzylýlardyń, onyń ishinde júrek-qantamyr júıeleriniń patologııasyn aıqyndap, damýyna ákeledi. Olardyń psıhoemosııalyq jaǵdaıdyń kúsheıýimen bolatyn sebep-saldar baılanysy kóptegen ǵylymı zertteýlerde kórsetilgen.

Serýendeý, sportpen aınalysý, beıindi mamandarǵa qaralý sekildi kúızelispen kúresýdiń ádettegi tásilderinen basqa emosııalyq kúızelis reaksııalary salasyndaǵy dıagnostıkalaý men túzetýdiń jeke ádistemesiniń avtory Rashıd Davletovıch kúızelisti meılinshe óz betinshe jeńip shyǵýdy jáne ózinshe retteý daǵdylaryn meńgerýdi usynady.

Sozylmaly kúızelis adamnyń psıhıkalyq jáne fızıologııalyq múmkindikterine kúsh salady, osynyń nátıjesinde aǵza ózine berilgen júktemelerge shamasy kelmeı qalady.

Rashıd Azızov: «Biz barlyq kúızelis faktorlarynan tolyǵymen qutyla almaımyz. Osy sekildi resýrstar taýsylmas úshin týyndaǵan artyq kúsh jumsaýshylyqty únemi kúızeliske qarsy is-sharalarmen azaıtyp otyrý qajet»  deıdi.

Búginde adamdarǵa arnalǵan túrli ádistemelerdiń keń túri bar, olar:

- relaksasııanyń túrli ádisteri;

- tynys alý praktıkasy;

- massaj, túrli spa-prosedýralar túrindegi fızıoterapevtik prosedýralar;

- medıtasııajáne t.b.

Qajet bolǵan jaǵdaıda psıhoterapııa nemese psıhologııa salasyndaǵy beıindi mamandarǵa qaralǵan jón.

Sońǵy jańalyqtar

Uqsas jańalyqtar