Osyǵan oraı, Arys áskerı gornızony aýmaǵynda tasymaldaýǵa asa qaýipti bolyp tabylatyn jarylǵysh zattardy joıý jumystary júrgizilýde. Ol úshin áskerı bólimniń tehnıkalyq aýmaǵynda arnaıy oryn daıyndalǵan. Bul arnaıy oryn búkil qaýipsizdik sharalaryn saqtaý erejelerine sáıkes uıymdastyrylyp, jarylǵysh zattardyń qaldyqtaryn ushýyn joqqa shyǵarady. Jarylǵysh zattardy órteý barysynda paıda bolǵan qaýipterdi tómendetýge kerekti sharalar men arnaıy qurylǵylar qoldanylýda. Jarylǵysh zattardy órteý kezinde tek qana dybystyq áser men qara tútin bolady. Jergilikti turǵyndarǵa tónip turǵan qaýip joq.
Josparǵa sáıkes jarylǵysh zattardy joıý jumystary kúndelikti saǵat 8.00 men 13.00 aralyǵynda bolatynyn habarlaımyz.
Qurmetti qala turǵyndary! Atalǵan is-sharalar qalamyzdy qaýipti oq-dárilerden zalalsyzdandyrý úshin atqarylyp jatqandyqtan túsinistik tanytýlaryńyzdy suraımyz. Zalalsyzdandyrý jumystary qorǵanys mınıstrliginiń arnaıy mamandarynyń baqylaýynda. Qaýipke negiz joq. Úreıge boı aldyrmańyzdar! Jalǵan aqparat taratýshylar zańǵa sáıkes jaýapkershilikke tartylatyndyǵyn nazarlaryńyzǵa jetkizemiz.
