Bir jyldan beri Nur-Sultanda "Januıa" otbasy ınstıtýtyn qoldaý ortalyǵy jumys isteıdi. Onda elordadaǵy otbasylar quqyqtyq, psıhologııalyq jáne áleýmettik kómek ala alady. Ortalyq jumys tabýǵa, kásiptik oqýdan ótýge, áleýmettik jáne turǵyn úı baǵdarlamalary týraly aqparat alýǵa, sondaı-aq olarǵa qatysýǵa kómektesedi. Ortalyq mamandary barlyq jeńildikterdi alýǵa, qamqorshylyqty anyqtaýǵa qoldaý kórsetip, jańa kásip ashýdyń múmkindikteri týraly málimet beredi.
Ashylǵan kúnnen bastap ortalyqqa 42 017 saýal boıynsha 23 039 ótinish kelip tústi. Adamdar qoıǵan suraqtardyń kóp bóligi ataýly áleýmettik kómek – 22 620, memlekettik járdemaqy – 6 278 jáne turǵyn úı – 3020 máselelerine qatysty.
Ortalyqta 12 memlekettik organ men kvazımemlekettik sektor uıymdarynyń jumysy uıymdastyrylǵan. Onda "Azamattarǵa arnalǵan úkimet" KEAQ, Jeke sot oryndaýshylarynyń óńirlik palatasy, qala ákimdiginiń ákimshiligi, Jumyspen qamtý ortalyǵy, Turǵyn úı qory, Turǵyn úı qurylys jınaq banki, Biryńǵaı jınaqtaýshy zeınetaqy qory, Áleýmettik medısınalyq saqtandyrý qory, "Qazpochta" AQ, quqyq qorǵaý organdary jáne basqa qurylymdardan keńes alýǵa bolady.
Sondaı-aq "Januıa" ortalyǵynda "Kásipker ana" analarǵa óz bıznesin damytýǵa qoldaý kórsetý ortalyǵy bar. Kópbalaly jáne az qamtylǵan otbasylar munda óz bıznesin nólden bastaýda qoldaý taba alady. Ol úshin bıznes qurý tájirıbesimen bólisetin tabysty áıeldermen Self Made motıvasııalyq bıznes-trenıngteri ótkiziledi.
"Januıa" ortalyǵynyń alańynda Nur-Sultan qalasy ákiminiń qoǵamdyq qabyldaýy da ashyldy. Azamattardy keste boıynsha qabyldaýdy aýdan basshylary, basqarmalar men basqa da uıymdardyń basshylary júrgizedi. Sonymen qatar, ortalyqta rýhanı qundylyqtardy damytýǵa, qaıyrymdylyq kómek kórsetýge baǵyttalǵan is-sharalar, sondaı-aq kóp balaly analarǵa arnalǵan bos oryndar jármeńkeleri men semınar-trenıngter ótkiziledi.
Esterińizge sala keteıik, "Januıa" otbasy ınstıtýtyn qoldaý ortalyǵynyń jumysy 13 mamyrdan bastap qaıta jandandy. Qabyldaý sanıtarlyq normalardy saqtaı otyryp júzege asyrylady. Bul rette Ortalyqtyń barlyq qyzmetterin onlaın rejımde nemese 57-87-00, 57-88-88 nomeri arqyly alýǵa bolady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
