Beınekonferensııa barysynda Jas Otan jastar qanatynyń tóraǵasy Elnur Beısenbaev óńirler men aýyldardyń naqty bir máselelerin sheshýde tıimdi jol kartalary ázirletinin atap ótti.
"Biz alǵash ret óz aldymyzǵa qoıylǵan maqsattarǵa qol jetkizý úshin naqty sharalar kesheni men belgilengen ındıkatorlary bar 216 óńirlik jol kartasyn daıyndaımyz. Ár jol kartasy sol aýdandy, qalany qamtıtyn bolady, al jergilikti jastar osy ındıkatorlardyń oryndalý barysyn ózderi baqylaı alady. Osyndaı jol kartasyndaǵy naqty tarmaqtardyń biri – jastar arasyndaǵy jumyssyzdyqty 3,7%-ǵa deıin tómendetý kerek", deıdi jastar kóshbasshysy.
Belgili PR oqytýshy, Prezıdent janyndaǵy Memlekettik basqarý akademııasynyń baspasóz hatshysy Aqerke Berlibaı jastardy memlekettik qyzmetke tartý ıdeıasyn usyndy:
– Memlekettik qyzmetkerlerdi, memleketke, qoǵamǵa qyzmet etetin adamdardy tárbıeleý jáne damytý óte mańyzdy. Biz ómir boıy qoǵamdyq qyzmetker bola almaımyz, eriktiler de dál solaı. Sondyqtan memlekettik basqarý júıesiniń qyzmettik prızmasyn jańartý arqyly biz jastardy osy qyzmetke shaqyra alamyz, − deıdi Aqerke Berlibaı.
Al, tarıhshy, arheolog, PhD doktory, Ulttyq mýzeı dırektorynyń ǵylymı jumys jónindegi orynbasary Aıbar Qasenalınniń aıtýynsha, "Daryn" syılyǵy jastardyń eńbegin baǵalaý úshin jetkiliksiz. Sondyqtan óskeleń urpaqty "Jas ǵalym", "Jas talant", "Jas jazýshy" sııaqty syılyqtardy taǵaıyndaý arqyly yntalandyrý qajet. Sondaı-aq, ǵylymmen aınalysatyn jastardyń qajettilikterin eskere otyryp, jas ǵalymdar úıin salý kerek ekenin atap ótti.
"Barlyq aýdandarda, mektepter men oqý oryndarynda arnaıy sport alańdaryn jabdyqtaý mańyzdy. Sonymen qatar, fıtnes klýb, zaldarmen birge áleýmettik osal otbasylarǵa jeńildikter jasaýdy usynamyn. О́ıtkeni, olar basqa ómir saltyn kórip, bolashaq ómirin jaqsartýǵa tyrysady", deıdi Kórkem gımnastıkadan halyqaralyq dárejedegi sport sheberi Anna Alıabeva.
Aıta keteıik, 2025 jylǵa arnalǵan "Jastar-Otanǵa!" baǵdarlamasy, Jas Otan jastar qanatynyń V sezinde qabyldanady. Qazirgi ýaqytta baǵdarlama jobasy elimizdiń barlyq óńirinde qyzý talqylanyp jatyr.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
