Ata Zań – jańǵyrýdyń irgeli negizi

Konferensııany Zańnama jáne qu­qyq­tyq aqparat ınstıtýtynyń dırektory R.Sárpekov saltanatty túrde ashty. О́ziniń kirispe sózinde ol qatysýshylardy Konstıtýsııanyń 25 jyldyq mereıtoıy­men quttyqtap, elimizdiń Negizgi Zańy memlekettiń, qoǵamnyń, adamnyń jáne azamattyń tirshilik áreketi men ózara is-qımyly úshin negiz bolatyn, ústemdik pen negiz qalaýshy rólge ıe ámbebap quqyqtyq akt ekenin atap ótti.

Konstıtýsııalyq Keńestiń tóraǵa­sy Q.Mámıdiń quttyqtaý sózin Konstı­týsııalyq Keńestiń múshesi Á.Temirbekov oqydy. Ol Konstıtýsııanyń qazirgi qoǵam men memlekettiń tynys-tirshiliginde erekshe oryn alatynyn atap ótti.

Konstıtýsııalyq zańnamany odan ári jetildirý maqsatynda jańa ıdeıalar men tásilderdi, júrgizilgen konstıtýsııalyq reformalardy jan-jaqty talqylaýdy maqsat etken konferensııaǵa Parlament depýtattary, Konstıtýsııalyq Keńes mú­she­leri, memlekettik organdardyń, Qazaq­stannyń ǵylymı qoǵamdastyǵynyń basshylary men ókilderi jáne Germanııa, Reseı, Belarýs jáne Qyrǵyzstannyń halyq­aralyq sarapshylary qatysyp, baıandama jasady.

Konferensııa sheńberinde Konstı­tý­sııalyq Keńestiń múshesi Á.Temirbekov «Qazaqstan Respýblıkasy Konstıtýsııalyq Keńesiniń joldaýyndaǵy qoǵam men mem­leketti áleýmettik jańǵyrtýdyń keı­bir aspektileri» taqyrybynda baıandama jasady.

Ádilet mınıstri M.Beketaev elimizde júr­gizilgen konstıtýsııalyq reformalarda qoǵamymyzdy demokratııalandyrý, halyq bıliginiń negizderin odan ári ny­ǵaıtý, Parlamenttiń rólin kúsheıtý, Úki­mettiń derbestigin arttyrý boıynsha negizgi qoǵamdyq suranystar eskerilgenin atap ótti.

Sonymen qatar Nursultan Nazarbaev qory atqarýshy dırektorynyń orynbasa­ry, professor I.Rogov, Senattyń Kons­tı­týsııalyq zańnama, sot júıesi jáne quqyq qorǵaý organdary komıtetiniń hatshysy Q.Safınov, Májilistiń Zańnama jáne sot-quqyqtyq reforma komıtetiniń hatshysy S.Bychkova quttyqtaý sóz sóıledi.

Konferensııada Qazaqstandaǵy halyq­­aralyq yntymaqtastyq jónindegi Ger­­manııa qoǵamy ókildiginiń basshysy (GIZ), Berlın qalasynyń sýdıasy I.Pý­delka memlekettik qurylymnyń konstı­tý­sııalyq prınsıpterin bekitýdiń mazmuny men tártibi, olardyń arasynda Germanııa men Qazaqstan zańnamasy mysalynda quqyqtyq memleket prınsıpi erekshe mańyzdy oryn alatyny jóninde baıandama jasady.

Konferensııa jumysynyń qory­tyn­dysy boıynsha tıisti memlekettik organ­darǵa, qoǵamdyq, ǵylymı uıymdar men jo­ǵary oqý oryndaryna jiberiletin usy­nystar ázirlendi.