Respýblıkalyq “Mektepke jol” aksııasy aıasynda Sharbaqty aýdanynyń polısııa bóliminiń qyzmetkerleri aýdandaǵy kóp balaly otbasylaryndaǵy mektep oqýshylaryna kómek kórsetti.
"Dástúr boıynsha jańa oqý jyly qarsańynda biz kópbalaly otbasylarǵa kómek kórsetemiz", – dedi Sharbaqty aýdandyq polısııa bóliminiń bastyǵy Eldos Nurǵalıev. – Búgin biz Aleksandrovka aýylynda turatyn Gavrılovtar otbasynyń jáne Nazarovka aýylynan kelgen Levchenkolardyń otbasynda boldyq. Levchenko otbasynda toǵyz bala bar, onyń ekeýi áli mektep oqýshylary. Biz balalarǵa shyn nıetimizben kómektesemiz, balalardyń qýanyshy men kúlimdegen júzin kórý óte mańyzdy.
"Bizdiń balalar óte eńbekqor, shyǵarmashyl, mýzykamen áýestenedi. Biz polısııa qyzmetkerlerimen dospyz, olar bizdiń otbasymyzda jıi qonaqta bolady. Meniń balalarym olardyń kelgenderine qýanyshty, al búgin syılyqtarymen, oqý quraldarymen qýantty. Bizdi qorǵaýshy tártip saqshylaryna alǵysymdy bildiremin. Men olarǵa densaýlyq jáne qıyn da jaýapty qyzmetterine sáttilik tileımin. Otbasylary aman saý bolsyn, barlyǵyna baq-bereke, sáttilik tileımin", - dep Elena Ivanovna jyly lebizin bildirdi.
Eldos Mudarısuly balalarmen jáne Elena Ivanovnamen qoshtasa otyryp, stýdentterge oqýda sáttilik tiledi.
