Túlkibas APB-ne jergilikti turǵyn aryzdanyp kelgen. Onda kórsetilgendeı, keshki saǵat 20:00 shamasynda aýlasynda turǵan quny 1,6 mıllıon teńgeni turatyn “Nıva” markaly avtokóligin aıdap ketken.
Polısııa qyzmetkerleri jedel-izdestirý sharalary barysynda avtokólikti aıdap ketken kúdiktini anyqtap ustady. Ol jábirlenýshige jaldanyp jumys jasaıtyn jergilikti turǵyn bolyp shyqty. Tergeý barysynda anyqtalǵandaı, kúdikti úıde eshkim joqtyǵyn paıdalanyp, kólikti aıdap ketken. Sodan túngi mezgilde aýylǵa baratyn joldaǵy burylysta aýdarylyp, mas halde jol kólik oqıǵasyn jasaǵan.
Atalǵan jaıt QR QK-niń 200-baby (Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý) boıynsha tirkelip,tergep-tekserý amaldary júrgizilýde. Bas sharasy eshqaıda ketpeý týraly qolhatta.
О́z kezeginde Túrkistan oblysy polıseıleri osyndaı jaǵdaı oryn ala qalsa, tez arada polısııanyń “102” telefonyna habar berýlerin suraıdy. Bul óz kezeginde qylmystyń tez ashylýyna yqpal etedi.
