Qoǵam • 31 Tamyz, 2020

Máýlen Áshimbaev: Qazaq erteden zańnyń ústemdigin moıyndaǵan halyq

1030 ret kórsetildi

Senat Spıkeri Máýlen Áshimbaev QAZAQSTAN telearnasyna bergen suhbatynda qazaq erteden zańnyń ústemdigin moıyndaǵan halyq ekenin aıtty, - dep habarlaıdy Egemen.kz.

Ulttyq arnaǵa bergen suhbatynda Máýlen Áshimbaev ulttyq múddege sáıkes saıasatty júrgizý úshin Konstıtýsııa kerekti barlyq quqyqtyq negizdi qalyptastyrǵanyn aıtty. Sonymen qatar qazaq erteden zańnyń ústemdigin moıyndaǵan halyq degen pikirin bildirdi.

"Qasym hannyń qasqa joly, Esim hannyń eski joly, Táýke hannyń "Jeti jarǵysy" uly dalada zańnyń ústemdigi bolǵanyn kórsetedi. Sondyqtan bizdiń Konstıtýsııamyz ulttyq erekshelikterimizdiń negizinde bizdiń ulttyq mentalıtetimizdi eskerip, ulttyq qundylyqtarymyzdyń negizinde jasalǵan qujat", - dedi ol.

Máýlen Áshimbaev Konstıtýsııaǵa engizilgen ózgerister týraly da aıtty. Spıker qabyldanǵan ózgeristerge sáıkes Prezıdenttiń keıbir ókilettilikteri Úkimetke jáne Parlamentke berilgenin, Parlament tarapynan Úkimet jumysyn baqylap otyrý tetikter qarastyrylǵanyn jetkizdi.

Telearnaǵa bergen suhbatynda Máýlen Áshimbaev "Osy ózgeristerdiń aıasynda sońǵy bir jyldyń ishinde depýtattardyń óz bastamasymen zań daıyndaý prosesiniń kúsheıip kele jatqanyn kórip otyrmyz. Osydan birneshe jyldar buryn Májilis ne Senat depýtattary jylyna birneshe zańǵa ǵana bastamashy bolatyn. Qazir biraz zańdar depýtattardyń bastamashyldyǵymen júrip jatyr. Depýtattar kóp ózekti máselelerdi kóterip, ózderi zańdar daıyndaýda. Bul úrdis retinde qalyptasyp kele jatyr. Depýtattar ózderiniń zań shyǵarýshylyq múmkindikterin keńinen paıdalanýda", - dedi.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar