Sınoptıkterdiń habarlaýynsha, qyrkúıek aıynyń ortasha aýa temperatýrasy respýblıkanyń basym bóliginde normadan 1°S joǵary, Soltústik Qazaqstan, Aqmola, Pavlodar oblystarynda, Qostanaı, Qaraǵandy, Shyǵys Qazaqstan, Almaty oblystarynyń basym bóliginde norma shamasynda, Shyǵys Qazaqstan, Almaty oblystarynyń taýly jáne taý bókterindegi aýdandarda – normadan 1°S-qa tómen bolady dep kútiledi.
Qazaqstan aýmaǵynyń basym bóliginde kópjyldyq derekter boıynsha úsik aıdyń birinshi jartysynda, ońtústik oblystarda - aıdyń sońynda ǵana baıqalýy múmkin. Alaıda, konsýltatıvtik boljamǵa sáıkes úsik soltústik óńirlerde aǵymdaǵy jyldyń qyrkúıek aıynyń ekinshi onkúndiginde -5 gradýsqa deıin, al ońtústik óńirlerde - úshinshi onkúndikte kútiledi.
Qyrkúıek aıynda jaýyn-shashyn mólsheri tamyz aıymen salystyrǵanda aýa temperatýrasynyń jalpy tómendeýi kezinde aýanyń ylǵal quramynyń tómendeýi esebinen azaıady. Jaýyn-shashyn az qarqyndy, biraq uzaqqa sozylady.
2020 jylǵy qyrkúıekte respýblıka boıynsha jaýyn-shashynnyń taralýy birkelki emes sıpatqa ıe: jaýyn-shashyn mólsheri respýblıkanyń basym bóliginde norma shamasynda, Soltústik Qazaqstan, Pavlodar, Aqmola, Shyǵys Qazaqstan oblystarynyń basym bóliginde, Qostanaı oblysynyń soltústiginde, Almaty oblysynyń ońtústik-shyǵysynda, Jambyl, Túrkistan oblystarynyń taýly jáne taý bókterindegi aýdandarda normadan kóp, Mańǵystaý, Aqtóbe, Qyzylorda oblystarynda, Qaraǵandy oblysynyń batysynda normadan az bolady dep kútiledi.
Kúzdiń basynda Qazaqstan aýmaǵynda jazǵy ystyq aýa raıy saqtalady. 3-6 qyrkúıekte belsendi sıklonnyń yqpalymen respýblıkanyń basym bóliginde aýa massalarynyń aýysýy, jeldiń 15-25 m/s deıin kúsheıýi, jańbyr kútiledi, respýblıkanyń shyǵysy men ońtústik-shyǵysynda keı jerlerde kúshti jańbyr jaýýy múmkin. Aýa temperatýrasynyń tómendeýi birinshi onkúndiktiń ortasynda kútiledi:
QR batysynda túnde +15+20°S-tan +7+15°S-qa deıin, kúndiz +27+38°S-tan +20+27°S-qa deıin;
elimizdiń soltústik-batysynda túnde +12+17°S-tan +2+10°S-qa deıin, kúndiz +28+35°S-tan +14+25°S-qa deıin.
respýblıkanyń soltústigi men ortalyǵynda túnde +10+18°S-tan +2+10°S-qa deıin, kúndiz +25+30°S-tan +10+20°S-qa deıin.
Onkúndiktiń ekinshi jartysynda aýa temperatýrasynyń tómendeýi QR-nyń ońtústiginde, ońtústik-shyǵysynda, túnde +13+22°S-tan +7+15°S-qa deıin, kúndiz +30+36°S-tan +21+28°S-qa deıin boljanady.
Onkúndiktiń sońynda aýa temperatýrasynyń tómendeýi Qazaqstannyń shyǵysyn aınalyp ótpeıdi, temperatýralyq fonnyń túngi ýaqytta +10+18°S-tan +2+10°S-qa deıin, kúndiz +27+32°S-tan +15+25°S-qa deıin birtindep tómendeýi kútilýde.
Birinshi onkúndiktiń sońynda QR-nyń basym bóliginde qaıtadan jylynady.
Qyrkúıektiń ekinshi jáne úshinshi onkúndiginde Qazaqstannyń soltústiginde, ortalyǵynda jáne shyǵysynda temperatýralyq rejımniń aýytqýy boljanady: túnde +5+13°S-tan -5+5°S-qa deıin, kúndiz +20+28°S-tan +15+20°S-qa deıin;
QR ońtústigi men batysynda túnde +5+15°S-tan 0,+5°S-qa deıin, kúndiz +25+35°S-tan +10+20°S-qa deıin.
Eskertý: bir aıǵa arnalǵan konsýltatıvtik boljam sınoptıkalyq jaǵdaıdyń ózgerýine qaraı túzetilýi múmkin jáne onkúndik boljamdarmen naqtylanatyn bolady.
