Keń aýlasy jáne jeke baqshasy bar 120 sharshy metrlik qos qabatty úıdiń baǵasy 14 mln teńgege baǵalanady. Al dál osyndaı 100 sharshy metrlik úıdiń baǵasy 12 mln teńge turady. Jańa úılerge baǵdarlama boıynsha qonystanǵan ár otbasynyń aılyq tólemi 70 myń teńgege jýyqtaıdy.
Jańa shaǵyn aýdandy aralap kórgen oblys ákimi Arhımed Muhambetov úılerdiń salyný sapasyna kóńili tolatynyn aıtty. Turǵyndarmen kezdesken aımaq basshysy:
"O basta bos jatqan bul jerde kommýnıkasııa júıelerin qosý jáne shaǵyn aýdandy abattandyrý arqyly bir jáne eki qabatty jeke turǵyn úılerdiń 4 túrin salý kózdelgen edi. Qazir, mine, memlekettik baǵdarlama boıynsha salynyp, sán túzegen ásem úılerge jas otbasylar qonystanyp, ıgiligin kórip jatyr. "Nurly jer" baǵdarlamasyn júzege asyrý áli de jalǵasady", - dedi ákim.
Qostanaı oblysy
