Qoǵam • 02 Qyrkúıek, 2020

Aýyl kóshesindegi QR-kod

43 ret kórsetildi

«Serpindi Syrdarııa» atanǵan Qyzylorda oblysyndaǵy darııa attas aýdanda bas-basyna atap aıtarlyqtaı aýqymdy ister jeterlik. Ár aýyly óziniń aıryqsha úlgili isterimen erekshelenip, aýdan atyn asqaqtatyp keledi. Sonyń biri – Shaǵan aýyly.

Bes myńnan astam turǵyny bar irgeli mekende boı kóterip kele jatqan záýlim ǵıma­rattar aýyldyń ajaryn aıshyqtaıdy. Áleýmettik te, ekonomıkalyq ta áleýeti jaq­saryp kele jatqan eldi meken jyl saıyn qanat jaıyp, ulǵaıyp keledi. Oǵan sebep – ýrbanızasııa dınamıkasynyń bul aýylǵa jat ekendigi. Jumysy bar jastar aýylda qalyp, qara shańyraqtyń qasynan óz aldaryna otaý kóterýde. О́zen ústine salynǵan alyp kópir arqyly aýdan ortalyǵyna baryp qyzmet istep, keshke shańyraǵynda shalqyp otyratyndar da osy jastar. Bul óz kezeginde demografııanyń damýyna, aýyldyń órkendeýine oń áserin tıgizedi. Kósheler kósi­le túsip, olarǵa belgili tulǵalardyń esimi beriledi. Árıne kúlli qazaqqa tanymal uly­lardy aıtpasa da bilgenimizben, eńbe­gimen elge tanylyp aýyldyń búginin ja­saǵan er­lerimizdi bireý bilse, bireý bilmeýi múm­kin. Sondyqtan aýyl ákimdigi kópke úlgi bo­lar­lyq oń sheshim tapqan. Úılerdiń qas be­tine ili­netin kóshe ataýlaryna arnaıy OR kod ornalastyrdy. Endi osy aýylǵa qadirli qo­naq bolyp kelseńiz, kóshege esimi berilgen tulǵanyń kim ekenin uıaly telefonyńyzǵa shtrıh kodty skanerleý arqyly bile alasyz. Ári eshkimnen suramaı-aq aýyl týraly má­limetke qanyǵasyz.

Aıadaı aýyldyń osy ıgi isi kúlli elge úlgi bolsa, utarymyz kóp.

 

Tilegen BEKARYSTANOV,

Shaǵan aýylynyń turǵyny

 

Qyzylorda oblysy,

Syrdarııa aýdany

Sońǵy jańalyqtar

Uqsas jańalyqtar