Azamattar jeke derekteriniń zańsyz jarııa bolý faktilerin anyqtaǵan jaǵdaıda mınıstrlikke habarlasyp, arnaıy tekserý júrgizýin suraı alady. Ol úshin moap@mdai.gov.kz elektrondy poshtasyna hat joldaýyna nemese "elektrondyq úkimet" portalyndaǵy ("Elektrondyq ótinishter" bólimi) mınıstrdiń jeke blogyna jazýyna bolady.
О́tinish bergen kezde ákimshilik quqyq buzýshylyq belgileri boıynsha málimetter jetkilikti bolýy kerek: rastaıtyn materıaldar, quqyq buzýshylyq sýbektisi týraly aqparat jáne merzimi. Anonımdi ótinishter qaralmaıdy.
Mınıstrlik óz kezeginde quqyq buzýshyǵa qatysty tekserý júrgizedi. Ár tekserý QR Bas prokýratýrasynyń Quqyqtyq statıstıka jáne arnaıy esepke alý komıtetinde tirkeýden ótedi jáne kásipkerlerdiń quqyqtaryn qorǵaý maqsatynda QR Kásipkerlik kodeksine jáne QR ÁQBK sáıkes júrgiziledi.
Fakt rastalǵan jaǵdaıda ákimshilik jaza qoldaný týraly sheshim shyǵarylady.
Bul rette ýákiletti organ shaǵyn bızneske 2023 jylǵy 1 qańtarǵa deıin jospardan tys tekserýlerjúrgizbeý týraly qabyldanǵan moratorııge qaramastan, shaǵyn bıznes sýbektilerine tekserý júrgizbeı-aq ákimshilik is qozǵaýǵa quqyly. Eń bastysy, quqyq buzýshylyq faktisin rastaıtyn qajetti materıaldardy tolyq usyný.
Esterińizge sala keteıik, bıylǵy maýsymda Memleket basshysy "Sıfrlyq tehnologııalardy retteý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly" zańǵa qol qoıǵan bolatyn. Bul zańda Mınıstrlik derbes derekterdi qorǵaý salasyndaǵy ýákiletti organ dep kórsetilgen.
