Qoǵam • 04 Qyrkúıek, 2020

2,4 mln-nan astam qazaqstandyq áleýmettik tólem aldy

513 ret

kórsetildi

1 mın

oqý úshin

2020 jylǵy shildede shekteý sharalaryn engizýge baılanysty tabysynan aıyrylǵan jaǵdaıda Memlekettik áleýmettik saqtandyrý qorynan (budan ári – MÁSQ) eń tómengi jalaqy – 42 500 teńgege teń birjolǵy tólemdi 2 mln 406 myń qazaqstandyq aldy, onyń ishinde 2 mln 400 myń adam tamyz aıynda karantınniń uzartylýyna baılanysty 0,5 ETJ – 21 250 myń teńge mólsherinde qosymsha aqy aldy, dep habarlaıdy Egemen.kz.

Jibek AǴDARI

2,4 mln-nan astam qazaqstandyq áleýmettik tólem aldy

Buǵan deıin habarlanǵandaı, MÁSQ-dan birjolǵy tólem alýǵa ótinishter 2020 jyldyń 1 qyrkúıegine deıin qabyldandy.

Budan buryn bas tartý týraly sheshim qabyldanǵan «42 500 teńge» áleýmettik tólemin taǵaıyndaý ótinishterin qaıta qaraý úshin aýdandyq (qalalyq) shtabqa rastaıtyn qujattarmen birge tıisti ótinish berý kerek.

О́tinish beriledi:

Jumys berýshi tarapynan – ShOB, iri kásipkerlik (karantın engizilgen óńirlerde), kommersııalyq emes zańdy tulǵalar úshin. Bul rette ótinish tek áleýmettik tólem taǵaıyndaýdan bas tartý (ony toqtatý) týraly sheshim qabyldanǵan qyzmetkerler úshin beriledi.

О́z betinshe – ózderine qatysty áleýmettik tólemdi taǵaıyndaýdan bas tartý (ony toqtatý) týraly sheshim qabyldanǵan jeke kásipkerler, jeke praktıkamen aınalysatyn adamdar, BJT tóleýshiler, azamattyq-quqyqtyq sıpattaǵy sharttar boıynsha jumys isteıtin adamdar.

Qaıta qaraýǵa ótinishter 2020 jyldyń 1 jeltoqsanyna deıin qabyldanady.