Elorda • 06 Qyrkúıek, 2020

861 túlek Nur-Sultan ákiminiń grantyn ıelendi

37 ret kórsetildi

Elorda ákimdigi az qamtylǵan otbasy balalarynyń bilim alýyna bir jarym ese kóp grant bóldi. Bul týraly Nur-Sultan qalasynyń ákimi Altaı Kólginov Instagram paraqshasynda jazdy, dep habarlaıdy Egemen.kz.

"Mamandyq tańdaý - ár oqýshy ómirindegi mańyzdy ári jaýapty qadam. Bıyl ákimdikten joǵary jáne joǵary oqý ornynan keıingi bilim berýge 861 grant bólindi. Rezıdentýrada dárigerlerdi oqytýǵa 300 - ge jýyq, pedagogıkalyq mamandyqtarǵa-485.

Az qamtylǵan otbasylarda tárbıelenip jatqan balalar úshin bir jarym ese arttyrdyq. Granttar erekshe qajettiligi bar balalarǵa, jetim balalarǵa, az qamtylǵan otbasylarda tárbıelenip jatqan balalarǵa bólindi. Túlekter IT-tehnologııalar, stomatologııa, jalpy medısına, áleýmettik jumys, ınjener, elektronıka jáne energetıka, pedagog, shet tili, kólik qyzmeti jáne logıstıka, quqyq, týrızm jáne t. b. mamandyqtar boıynsha oqýǵa tústi.

L

Bul kómek joǵary bilim alý úshin aıtarlyqtaı qoldaý bolady. Sonymen birge memleket jyl saıyn myńdaǵan grant bóledi. Elbasynyń "Bolashaq" baǵdarlamasy boıynsha stýdentter sheteldik bilim ala alady.

Kúndelikti eńbektenip, bilim alý arqyly ǵana tabysqa qol jetkizýge bolady. Barlyq mamandyqtar mańyzdy. Eń bastysy-eńbek etý.

Prezıdent halyqqa Joldaýynda bilim berý salasyn mańyzdy baǵyttardyń biri dep aıtty. Oqý úshin qolaıly jaǵdaı jasaý, túrli qyzmetter alý úshin qalada jyl saıyn balabaqshalar, mektepter, medısınalyq ortalyqtar jáne basqa da mańyzdy nysandar salynyp jatyr. Sondaı-aq, jańa jumys oryndaryn ashyp jatyrmyz.

Mektep túlekterin - qazirgi stýdentterdi - eresek ómirińizdiń sátti bastalýymen quttyqtaımyn! Densaýlyq, baqyt jáne tabys tileımin!" - dep jazdy Altaı Kólginov.

 

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar