Hákim Abaı Qunanbaıulynyń 175 jyldyq mereıtoıy aıasynda uıymdastyrylǵan shara Ámire Qashaýbaev atyndaǵy memlekettik fılarmonııasynyń 75 jyldyǵyna arnalǵan.
"ShQO mádenıet, arhıvter jáne qujattama basqarmasynyń qoldaýymen 2020 jyldyń 1 men 5 qyrkúıek kúnderi aralyǵyna onlaın formatta ótken baıqaýda Nur-Sultan, Almaty, Shymkent, Atyraý, Jambyl, Qaraǵandy, OQO, ShQO jáne SQO óńirleriniń ánshileri baq synady. Osy dodada jas ánshimiz Slıamǵalı Dáýrenbek kópshilikti óz ónerimen tánti etip, bas júldeni jeńip aldy. QR Mádenıet salasynyń úzdigi Amengeldi Qojanovtan bilim alǵan", - deıdi oblystyq fılarmonııanyń bas redaktory Sáýle Muqaeva.
Slıamǵalı Dáýrenbek 1996 jyly Pavlodar oblysy Tereńkól aýdanynyń Qyzyltań aýylynda dúnıege kelgen.
2012-2016 jyly daryndy balalarǵa arnalǵan mýzykalyq kolledj, mýzykalyq mektep-ınternatynda dástúrli án oryndaý mamandyǵy boıynsha oqyǵan.
2014 jyly oblystyq dástúrli án oryndaýshylary arasynda ótken baıqaýdyń bas júldegeri.
2014 jyly Qaraǵandy oblysynda dástúrli ánshiler baıqaýynda ótken I halyqaralyq "Tulǵa" baıqaýynda gran-prı ıegeri.
2016-2020 jyldary Qurmanǵazy atyndaǵy qazaq ulttyq konservatorııasynda "Dástúrli mýzyka óneri" mamandyǵy boıynsha ustazy QR Eńbek sińirgen qaıratkeri Shúkimanov Erkin Tursynǵalıulynan bilim alǵan.
2017 jyly Tursynǵazy Rahımov atyndaǵy respýblıkalyq konkýrstyń jáne 2019 jyly Mádı Bápıuly atyndaǵy respýblıkalyq konkýrstyń laýreaty.
