Tótenshe jaǵdaı rejımi Kalıfornııanyń ortalyq bóligindegi Fresno, Madera jáne Marıposa okrýgterinde, sondaı-aq shtattyń ońtústigindegi San Bernardıno jáne San-Dıego okrýgterinde engiziledi.
"О́rt saldarynan ondaǵan myń gektar jer órtenip, úıler qırady. Myńǵa jýyq turǵyn evakýasııalandy", - dep atap ótti G.Nıýsom.
Buǵan deıin shtat gýbernatory aptap ystyq pen tabıǵı órtterge baılanysty 18 tamyzda shtat deńgeıinde tótenshe jaǵdaı rejımin engizgen bolatyn. Bul sharalar jergilikti bılik organdaryna keıbir qosymsha qorlarǵa qol jetkizýge jáne órttiń saldaryn joıý kezinde kóbirek resýrstardy paıdalanýǵa múmkindik beredi.
Tilsiz jaý ystyq jáne qurǵaq aýa-raıyna baılanysty shtat aýmaǵynda tez taralyp jatyr. Atalǵan shtatta barlyǵy 58 okrýg bar.
