О́tken demalys kúnderi polıseıler men ákimdik ókilderi qalanyń oıyn-saýyq oryndary, saýda ortalyqtary jáne basqa da ShOB nysandary boıynsha reıdter júrgizdi.
Kásipkerler men kelýshiler áli de sanıtarııa normalaryn buzýdy jalǵastyryp jatyr.
Almaty aýdanynda 24 ShOB sýbektisi tekserildi, 20-ǵa jýyq talap buzǵandar anyqtaldy. Baıqońyr aýdanynda 29 sýbekt tekserildi, 26 sanıtarııa normalaryn buzǵan derek anyqtaldy. Esil aýdanynda 31 obekt tekserildi, 26 derek anyqtaldy. Saryarqa aýdanynda 30 obekt tekserilip, 12 derek anyqtaldy.
7 qyrkúıektegi jaǵdaı boıynsha, Nur-Sultan qalalyq taýarlar men kórsetiletin qyzmetterdiń sapasy men qaýipsizdigin baqylaý komıtetine aýdandyq polısııa basqarmalarynan karantındi buzǵan adamdarǵa qatysty 963 materıal kelip túsken. 427 jeke jáne zańdy tulǵalar QR ÁQBtK-niń 425-baby boıynsha (halyqtyń sanıtarlyq-epıdemıologııalyq salaýattylyǵy boıynsha talap buzýshylyqtar) jalpy somasy 95 715 990 teńge kóleminde ákimshilik jaýapkershilikke tartyldy.
