ÁKIMShILIK ÁDILETI — ZAMAN TALABY

Keshe  “Qazaqstan Respýblıkasynda ákimshilik ádiletiniń qalyptasý máseleleri” taqyrybyna arnalǵan eki kúndik halyqaralyq ǵylymı-praktıkalyq konferensııa óz jumysyn bastady. Atalǵan sharaǵa Senattyń Zańnama jáne quqyqtyq máseleler komıtetiniń basshysy B.Imashev tóraǵalyq jasady. Germanııanyń tehnıkalyq yntymaqtastyq jónindegi qo­ǵamy­nyń járdemimen uıymdas­tyrylǵan talqylaýǵa depýtat­tar, Konstı­tý­sııalyq Keńes tóraǵasy I.Rogov, Joǵarǵy Sot, halyqaralyq zań qoǵam­dastyǵynyń, ǵylymı orta men qoǵamdyq uıymdardyń ókilderi qatysty. Otyrysty asha kelip Se­nat Tóraǵasynyń oryn­ba­sary M.Kópeev konferensııaǵa qaty­sý­shylarǵa ekonomıkany tabysty da­mytý men mem­le­kettiń syrtqy qa­terlerdegi or­nyqtylyǵyn arttyrý úshin ahýal qalyptastyratyn qu­qyq­­tyq orta jasaýdaǵy Prezıdent N.Nazarbaevtyń Joldaýynda alǵa qoıylǵan mindetter aıa­synda osy máseleniń talqy­la­nýy mańyzdy ekenin atap ótti. “Ulttyq quqyq­tar­dy jetildirý­degi mańyzdy ba­ǵyt­tardyń biri ákimshilik refor­malardy júr­gizý, ákimshilik is júr­gizý qu­qyq­tarynyń múmkindikterin keńeı­tý”, – dedi Tóraǵa oryn­ba­sary.  Onyń aıtýynsha, jeke adam men memleket arasyndaǵy daýlardy sotpen sheshýdiń jańa úlgisin qa­lyptastyrýǵa, ádilet ákimshiligi salasyn retteıtin normatıvtik-quqyqtyq baza ja­saýǵa Ákimshilik quqyq buzýshy­lyq jáne Ákim­shilik is júrgizý kodeksteriniń jobalary baǵyttalyp otyr. Talqylaý barysynda sóz alǵan Konstıtýsııalyq Keńes tóraǵasy I.Rogov Qazaqstanda ádilet ákim­shiligin qalyptas­ty­rýdyń mańyz­dy­lyǵyn atap óte kelip, Ákimshilik quqyq buzý­shy­lyq týraly jáne Ákimshilik is júrgizý kodeksteriniń jo­ba­la­ryn ázirleý jáne qaraý má­seleleri boıynsha pikirsaıys­tyń mańyzdylyǵyn, olardyń Quqyq­tyq saıasat tujyrym­da­masy men Mem­leket basshysy Joldaýynda belgilengen quqyq qorǵaý júıesin jetildirý ba­ǵyt­­­taryna sáıkestigin atap ótti. Qazaqstandaǵy quqyqtyq saıa­sat­ty izgilendirýdegi mem­lekettik ıns­tıtýt retinde ádilet ákimshi­li­gi­niń róline toqtala kelip, Zańnama jáne quqyqtyq saıasat komıtetiniń hatshysy S.Aqylbaı “Ákimshilik is júr­gizý kodeksin qabyldaý ákim­shilik is júrgizý quqyqtary damýy­nyń shyńy”, dedi. Ákim­shilik zań­na­many damytý sala­syndaǵy alda turǵan mindetterdi eskere otyryp depýtat Ákim­shilik is júrgizý, Ákim­shilik qu­qyq buzýshylyq kodeksteri jo­balarynyń, “Qazaqstan Respýb­lıkasynyń keıbir zańnamalyq aktilerine ákimshilik is júrgizý máseleleri boıynsha ózgerister men tolyqtyrýlar engizý tý­raly” Zań­nyń erejeleri boıynsha tujy­rym­damalyq turǵysyndaǵy pikirsaıys­tar jóninde oılarymen bólisti. Konferensııada EQYU-nyń Astanadaǵy Ortalyǵynyń bas­shysy A.Kelchevskıı, Bremen (Germanııa) ýnıversıtetiniń pro­fes­sory R.Knı­per, Arme­nııa Res­pýblıkasynyń Ákim­shilik sotynyń tóraǵasy T.Mý­ký­chıan, Grýzııa Joǵarǵy soty­nyń ákimshilik isteri palata­synyń sýdıasy N.Shırt­ladze  jáne basqalary  ÁIJK-niń jekelegen erejelerine nazar aýdardy. Jáne de usy­nym­dardy ázirleý úshin arnaıy uıym­dastyrý komıteti qu­ryldy. Asqar TURAPBAIULY.