2020 jyly 8 qyrkúıekte Qazaqstanda tuńǵysh ret Otbasy kúni atalyp ótilmek. Osy merekege oraı, Semeı Polısııa Basqarmasynyń qyzmetkerleri Borovaıa kóshesi, 26 úıde turatyn mektep jasyndaǵy kámeletke tolmaǵan bes balasy bar kóp balaly Iskakovtar otbasyna oqý quraldary men táttiler túrindegi syılyqtaryn kóterip, arnaıy quttyqtaýǵa keldi.
- Sondaı-aq, polısııa qyzmetkerleri Súkembaevtar otbasynda da bolyp, olardy qýantty. Onda Meıram esimdi ana jalǵyz ózi eki bala tárbıelep otyr, onyń 7 synyp oqýshysy uly bala jáne 2 synypta oqıtyn qyzy bar, dedi Polısııa basqarmasynyń baspasóz jetekshisi Elýbek Ospanov.
Semeıdegi qaıtys bolǵan polısııa qyzmetkerleriniń de otbasylary nazardan tys qalǵan joq. Atap aıtqanda 15 shaǵyn aýdan, 18 úı, 88 páter meken-jaıynda turatyn Abylǵazınovtar januıasy men Vostochnyı pravyı saıajaıyndaǵy, 103-inshi úıde turatyn Búrkitbaevtar da umytylǵan joq. 2014 jyly kóshi-qon qyzmetiniń aǵa ınspektory polısııa maıory Abylǵazınova Dına Tolymhanqyzy, qyzyna bosaný ústinde qaıtys bolǵan edi. Bıyl qyz bala 6 jasqa tolyp, mekteptiń daıarlyq synybyna baryp otyr.
