Sondaı naýqastardyń arasynda ókpesi aýyrǵan professor Nesiphan Bektenov ta bolǵan edi. - Ákem aýyr jaǵdaıda aýrýhanaǵa jetkizilip, jansaqtaý bólimine tústi, - dep naýqastyń qyzy Sabına JShKKA saıtyna jazdy. - Onyń ómirine qaýip tóndi, biraq aýrýhana dárigerleriniń kásibı sheberligi, adal jumysy jáne biliktiligi arqasynda ákem aman qaldy. Ol bir aıǵa jýyq aýrýhanada jatyp, 17 kúnin jansaqtaý bóliminde ótkizdi. Men ákemniń ómirin saqtap qalǵan barlyq dárigerlerge, medbıkelerge shyn júrekten alǵys aıtamyn.
Jansaqtaý bóliminiń bastyǵy Tımýr Raıymjanovtyń aıtýynsha, naýqas óte aýyr jaǵdaıda túskenin eskerip, mamandar oǵan áli de keńes berip keledi. «Barlyq medısına qyzmetkerleriniń úılesimdi jumysynyń arqasynda aman alyp qaldyq, Bul bizdiń aýrýhananyń qalyptasqan dástúri ǵoı. Emdeý naýqastyń jaǵdaıyna baılanysty únemi túzetilip otyrdy. Biz naýqastardy táýlik boıy baqylap otyramyz, karantınniń erekshe jaǵdaılaryna qaramastan, dárigerler birin-biri almastyrady, medbıkeler únemi baqylaý júrgizedi, sanıtarkalar da kómektesedi, qarqyndy terapııa kezinde massaj jasaý, naýqasty aýdaryp otyrý, ony jalǵyz qaldyrmaý óte mańyzdy, deıdi Tımýr Raıymjanov.
- Árıne, kóp nárse medısına qyzmetkerleriniń jumysyna baılanysty, biraq naýqastardyń ómirge degen yntasy da baılanysty ekenin umytpaǵanymyz jón, - deıdi hırýrgııa bólimshesiniń meńgerýshisi Bahtııar Bekeshev. - Bul naýqas óte qıyn bolǵan kúnniń ózinde de barynsha pozıtıvti kóńil-kúıde boldy. Biz adamdardy psıhologııalyq turǵydan qoldaýǵa tyrysamyz, biraq naýqastyń bári qaıta jazylyp, aıaqtan turý úshin baryn salmaıdy. Nesiphan Bektenovtyń ómir súrýge degen qulshynysy joǵary boldy, ol ózin tastamady, sondyqtan da aman qaldy.
Qazir professor óz úıinde, amandyǵynan úmitin úzbegen jaqyndarynyń qasynda birte-birte qalpyna kelýde. Tolyq saýyǵyp ketkennen keıin ony ol uzaq jyldar boıy dáris bergen Q.Sátbaev atyndaǵy QazUTÝ-daǵy áriptesteri men stýdentteri kútedi. Al Jedel shuǵyl kómek kórsetý aýrýhanasy burynǵy jumys rejiminde kópsalaly qalalyq emhana retinde jumysyn jalǵastyrýda.
