"Almaty q. mýzeıler birlestigi" KMQK (Almaty murajaıy, Yqylas atyndaǵy ulttyq aspaptar murajaıy, D. A. Qonaev murajaıy, N. Tilendıev atyndaǵy Memorıaldyq murajaıy, S. Muqanov jáne Ǵ. Músirepov atyndaǵy ádebı-memorıaldyq murajaı kesheni, Raıymbek batyr dástúrli mýzyka mýltımedııalyq murajaı kesheni) kúndelikti 10.00–den 19.00–ge deıin jumys isteıdi.
Sondaı-aq, Yqylas atyndaǵy halyq mýzykalyq aspaptar murajaıynda Azııa jáne Eýropa mýzykalyq aspaptarynyń jańa zaldary ashylǵan.
Karantın kezinde Almaty haıýanattar baǵynda kerik, zebra, Prjevalskıı jylqysynyń qulyny, buǵy, aqbóken, túıe, japon tyrnasy, emý túıequsy jáne taǵy basqalar dúnıege keldi. Ár túrli qustar men janýarlardyń júzden astam balasy bar. Ekspozısııada barlyq janýarlar tólderimen birge kórsetilgen.
Haıýanattar baǵy kúndelikti saǵat 9.00-den 19.00-ge deıin jumysyn qaıta bastady. Kassalar burynǵy jumys kestesinen bir saǵat buryn jabylady.
Qalalyq kitaphanalar da ádettegideı 9.00-den 20.00-ge deıin jumys isteıdi. Kitaptardy úıge 15 kúnge alýǵa bolady. Ortalyqtandyrylǵan kitaphana júıesi onlaın rejiminde kóptegen basqa is-sharalardy ótkizedi. Atap aıtqanda, qazan aıynda balalar jazýshysy S. Begalınniń 125 jyldyǵyna arnalǵan onlaın rejimde Halyqaralyq konferensııa ótkizý josparlanýda.
Mádenı nysandarǵa kiretin kezde qatań túrde áleýmettik qashyqtyqty saqtap, qorǵanys maskalaryn taǵý qajet.
