"DDU Bas dırektory Tedros Gebreısýstyń aıtýynsha, "bul sońǵy pandemııa emes. Tarıh bizge aýrýdyń órshýi men pandemııanyń ómirdiń bir bóligi ekenin úıretedi". Shveısarııanyń Qoǵamdyq densaýlyq saqtaý Federaldy basqarmasy Qazaqstandy odan qaıtyp oralǵannan keıin karantındi saqtaý qajet elder tiziminen shyǵarǵanyn atap ótken jón. Bul rette, Shveısarııaǵa basqa elderden kelgen adamdar karantınge jiberiledi. Bul elderdiń tizimi 7 qyrkúıekte jańartyldy. Bul COVID-19-men kúresýdiń jáne Qazaqstandaǵy aǵymdaǵy epıdemııalyq jaǵdaıdy turaqtandyrýdyń taktıkasy durys tańdalǵanyn kórsetedi", dedi mınıstr.
Aýrýdyń taralýyn boldyrmaý jáne eldegi epıdemııalyq jaǵdaıdy sıpattaıtyn oń dınamıkany saqtaý maqsatynda keıbir shekteý is-sharalary men demalys kúngi lokdaýndar saqtalýda. Sondaı-aq, mınıstrlik kúzgi maýsymǵa daıyndyqty qamtamasyz etý boıynsha sharalar qabyldaýda.
El boıynsha tósek-oryndar sany koronavırýsqa arnalǵan 54 178 tósek-oryndy quraıdy, bul qoldanystaǵy 16 304 ınfeksııalyq tósek-oryn, 2 790 jańa salynyp jatqan nysan jáne basqa stasıonarlardaǵy 32 064 tósek-oryn. Reanımasııalyq tósek-oryn sany 2 981-ge jetedi. 2020 jylǵy 9 qyrkúıektegi jaǵdaı boıynsha QR boıynsha 19 066 ınfeksııalyq tósek-oryn jumys isteıdi, al reanımasııalyq tósek-orynnyń 14%-y qamtylǵan. Qazirgi ýaqytta ınfeksııalyq jáne provızorlyq stasıonarlarda 3 379 О́JJ apparaty, qosymsha taǵy 2 619 birlik satyp alynady, sonyń ishinde otandyq óndiristiń 1 500 apparaty bar.
A.Soı málimdegendeı, búginde respýblıkada 21 566 tósek-oryn ottegimen qamtamasyz etilgen. Bul rette qosymsha 9300 tósek-oryndy qamtamasyz etý josparlanýda. Sonyń 6400-i jergilikti bıýdjet jáne demeýshilik qarajat esebinen, 2900-y respýblıkalyq bıýdjet qarajaty esebinen qarjylandyrylǵan.
