“INDÝSTRIIаLANDYRÝ KARTASY” PYSYQTALÝDA

Keshe Premer-Mınıstr Kárim Másimovtiń tóraǵalyǵymen selektorlyq keńes bolyp ótti. Onda “Indýstrııalandyrý kartasyna” engen nysandar talqylanyp, sondaı-aq Almaty jáne Shyǵys Qazaqstan oblystaryndaǵy jaǵdaılar baıandaldy. Aldymen Premer-Mınıstr óziniń birinshi orynbasary О́mir­zaq Shókeevke Jambyl ob­ly­sy­na baryp, Qyrǵyz elimen sheka­ra­las aımaqtardaǵy jaǵ­daı­dy bi­lip qaıtýdy tapsyrdy. Shekaraǵa baılanysty suraq­tar­dy naqty­lap, qyrǵyz jerin­degi sońǵy jaǵ­daılar oryn almas buryn bastaǵan isterimizdi aıaqtaýdy jedeldetý kerektigin aıtty. О́z kezeginde Jambyl ob­lysynyń ákimi Qanat Bozym­baev shekara tynysh ekendigin alǵa tartty. Bizde buǵan baı­la­nysty másele joq, shekara qyz­meti óz qyz­met­terin qyraǵy­lyq­pen atqarýda. Meniń bas­shy­lyǵymmen oblys­tyq shtab qurylyp, ol búgingi kúni jumys jasaýda. Eki eldiń she­karadaǵy jaǵdaıy turaqty. Biz Qyr­ǵyzstandaǵy jaǵdaıdy zer sala baqylap otyrmyz, dedi ol. Munan keıin sóz alǵan In­dýs­trııa jáne jańa tehnologııa­lar vıse-mınıstri Berik Kama­lıev “Indýstrııalandyrý kar­ta­sy” sheńberinde qolǵa alynyp otyr­ǵan 144 ınvestısııalyq jo­banyń júzege asyrylýy tý­raly baıandap berdi. Karta sheń­berinde ıgerilgen qarjynyń kólemi 583 mlrd. teńgeni qu­raı­dy. Bul — bó­lingen qarjynyń 69 paıyzy. Bıyl “Indýstrııa­lan­dyrý karta­syna” jalpy quny 836 mlrd. teńgeni quraı­tyn 144 ınno­va­sııa­lyq joba engizilgen. Búgingi kúni onyń 69 paıyzy ıgerildi. Al­ǵash­qy jartyjyldyqta, 1 shil­de­ge deıin 396 mlrd. teńgeni qu­raı­tyn 72 ınvestısııalyq joba­ny iske asyrý josparlanyp otyr. B.Ka­malıev “Indýstrııa­landyrý kar­tasyna” engizilgen jobalardyń daıyndyǵy jóni­nen Pavlodar, Mańǵystaý, Aq­mo­­la oblystary alda kele jat­­qandyǵyn atap ótti. Pav­lo­dar oblysy boıynsha kar­ta­ǵa engen nysandar daıyndyǵy – 97,5 paıyz, Mańǵystaý obly­synda – 96 paıyz bolsa, Aqmo­la oblysyndaǵy ol 90,2 paıyzdy quraıdy. Qaraǵandy oblysynda avto­zaýyt salý jobasy jospar­la­nýda. Ony reseılik “Soılers” kom­pa­nııasy júzege asyrmaq. “Qujat­tama rásimin tolyq ótýi­miz qajet. Negizgi suraqtar tal­qy­lanyp, sheshilgen. Meniń oı­ymsha, bul jo­ba júzege asady. Aldymen zaýyt­ty Astanada tur­ǵyzýdy qolaılaǵan edik. Biraq jerge baılanysty másele týyn­dady. О́ıtkeni, zaýyt salý úshin keminde 100 gektar jer kerek bol­dy. Endi Qaraǵandyny qa­ras­tyryp otyr­ǵan jaǵdaıymyz bar”, degen In­dýstrııa jáne jańa tehnolo­gııa­lar vıse-mı­nıstri Berik Kama­lıev Qazaq­stan taraby birqatar másele­ler­di sheshý úshin saraptaý to­byn kútip otyrǵandyǵyn aıt­ty. Premer-Mınıstr Kárim Má­simovtiń josparlanǵan av­to­­kó­lik zaýytynda máshıneniń qan­daı brendin shyǵarmaq­syz­dar de­gen suraǵyna Indýstrııa jáne jańa tehnologııalar mı­nıstri Áset Isekeshev ja­pon­dyq “Sýdzýkı” avtokóligin shy­ǵarýǵa toqtadyq, dep jaýap berdi. Munaı jáne gaz vıse-mı­nıstri Áset Maǵaýov kartaǵa engen Aty­raý­daǵy munaı-hımııalyq keshen qurylysynyń bastalýy 2011 jyl­dyń aqpa­nyna belgilenip otyr­ǵan­dyǵyn habarlady. Ústimizdegi jyl­dyń shildesinde negizgi keshen boı­ynsha jobalyq-smetalyq qu­jat­tar­dy jasaqtaý bastalady, al jel­toq­sanda saraptama aıaq­talady. Odan soń aqpan aıynda keshen qurylysy bastalmaq. Qarjylyq jaǵdaı tu­raqty bolǵandyqtan ázirshe esh­qan­daı másele týyndap otyrǵan joq. Sondyqtan belgilengen ýaqyt ishin­de jumysymyzdy abyroı­ly aıaq­taı­myz degen oıdamyn, dedi ol. Joba ekige bólinip jú­zege asy­ry­la­dy. Onyń al­ǵashqysy polıpro­pı­lendi jeli bolsa, ekinshisi polı­etılendi jeli. Jobaǵa 20-dan astam sheteldik mamandar tartylyp otyr­ǵan kórinedi. “Beıneý-Shymkent” gaz qubyrynyń jobasy da osy jyldyń shilde aıynda bastalmaq. Elimizdiń ońtústik óńirlerin gazben qam­tamasyz etetin áleýmettik ma­ńy­zy joǵary bul jobanyń al­ǵash­qy kezegi salyna bastamaq. Munaı jáne gaz vıse-mınıstri Áset Ma­ǵaýovtyń aıtýynsha, 5 mlrd. tekshe metrdi ótkize ala­tyn múmkindigi bar “Beıneý-Shymkent” gaz quby­ry­nyń al­ǵashqy kezeńi 2010-2013 jyl­dar arasynda salynyp bitse, ekinshi kezeńiniń tolyqtaı salynýy 6 jyldy qamtıdy eken. Selektorlyq keńes ba­rysynda tikeleı baılanysqa shyqqan oblys ákimderi sóz alyp, oblystardaǵy jaǵ­daılar jóninde habarlady. Mysaly, Almaty oblysynyń ákimi Serik Úmbetov Qyzylaǵash aýy­lyn­daǵy qalypqa keltirý jumys­ta­ryna Úkimetten 4,7 mlrd. teńge bólý jóninde ótinishin bildirdi. “Bú­gingi kúni aýyldyń qar­jylyq jaǵdaıy 3,1 mlrd. teńgedeı. Onyń 1 mlrd. teńgesi qaıyrymdylyq qo­rynan tústi. Ulttyq kompanııalar bólgen qarjy 622 mln.teńge bolsa, oblystardan túsken kómek qarjy kólemi 870 mln.teńge, Úkimetke 599 mln. teńge tıesili. Al bizdiń shyǵy­nymyz 7,8 mlrd. teńgege jetti. Biz­ge áli de qosymsha 4,7 mlrd.teńge ke­rek, dedi Serik Úmbetov. Aýyl elek­trmen qamtamasyz etilip, 9,7 km. sý qubyry tartylǵan, jo­ǵary volttyq jeli qurylysy aıaqtalyp, telefon júıesi qalypqa kelgen. Premer-Mınıstr oblys ákiminiń ótinishi boıynsha tapsyrma beriletinin aıtty. Al Shyǵys Qazaqstan obly­syn­daǵy jaǵdaı turaqtalyp, qalypqa tú­sip keledi. Oblys ákimi B.Sa­par­baev shyǵystaǵy túngi temperatýra áli de 15-20 gradýs salqyndyqty kór­sete­tinin aıta kelip, qar qalyń­dyǵy 3-4 metrge jetetindigin alǵa tartty. Al birinshi vıse-premer О́mir­zaq Shókeev túngi salqyndyq­tyń ázirshe qolaı­lylyǵyn, biraq uzap ketse kúrt jylyný múmkindigi joǵary ekendigin eskertti. Son­dyq­tan daıyndyq jumystaryn qada­ǵalaý qajet. Búgingi kúni ob­lys­­taǵy 9 aýyl qaýipti jaǵdaı­da tur, osy aýyldardy qatań baqylaýǵa alý kerek, dedi ol. Venera TÚGELBAI.