Qazaqstan • 10 Qyrkúıek, 2020

Nesıege ótinimdi onlaın formatta berýge bolady

224 ret kórsetildi

Jýyrda "Aýyl sharýashylyǵyn qarjylaı qoldaý qory" AQ mynadaı mátinde habarlandyrý taratty: "Búgingi tańda bizdiń qor aýyl turǵyndaryna nesıege ótinimdi onlaın formatta berý múmkindigin usynyp otyr. Soǵan sáıkes "Eńbek" baǵdarlamasy aıasynda mal sharýashylyǵyn damytýǵa nesıe alýdy josparlap otyrǵan shalǵaıdaǵy aýyl turǵyndary ózderiniń jeke kompıýterine ótinim jiberip, elektrondyq nesıe komıtetiniń maquldaýyn ala alady. Bul júıe ázirge Aqmola men Almaty oblysynyń kásipkerleri úshin testik rejımde iske qosyldy. Aldaǵy ýaqytta osy mehanızmdi basqa oblystarǵa da eńgizýdi kózdep otyrmyz", dep habarlaıdy Egemen.kz.   

Keshe Aýyl sharýashylyǵyn qarjylaı qoldaý qory arnaıy press-týr uıymdastyryp, bir top jýrnalısti Almaty oblysy Jambyl aýdanyna qarasty Qaınazar aýylyna apardy. Nesıege onlaıyn ótinim bergen alǵashqy sharýalardyń biri Aımuhan Anapııa esimdi azamat dál sol eldi mekende turady. Jasy otyzdyń bel ortasynan asqan Aımuhan osyǵan deıin birqatar kásiptiń tutqasyn ustap kórgen eken. Sońǵy ýaqytta Nur-Sultan qalasyndaǵy qurylys kompanııalarynyń birinde qatardaǵy qarapaıym jumysker retinde óz nápaqasyn taýyp júrdi. 2011 jyly shańyraq kóterip, otbasyly boldy. Búginde jubaıy Gúljaz ekeýi úsh ul tárbıelep otyr. Aldyńǵy ekeýi mektepte, kenjeleri endi ǵana jeti aıǵa toldy.

"Osyndaı baǵdarlamanyń baryn bilgen bette Aýyl sharýashylyǵyn qarjylaı qoldaý qoryna ótinish jazdym. Olar barlyq qujattarymdy tekserip, istiń mán-jaıyna tolyqtaı qanyqqannan keıin tómengi paıyzben 1,2 mıllıon teńge mólsherinde nesıe berdi. Oǵan biraz qoı satyp alyp, "Táýekel!" dedim de, óz "tirligimdi" bastap kettim. Bir jarym jyl kóleminde nesıeni tolyqtaı qaıtaryp, ekinshi qaıtara qarjy suradym. Bul ótinishim de maquldanyp, 2,3 mıllıon teńgege qolym jetti. Oǵan da mal aldym. Allaǵa shúkir, adal eńbegim esh ketken joq. Sonyń arqasynda mal basy jyldan jylǵa artyp keledi. Bastapqyda 60 qoıym bolsa, aınaldyrǵan 3,5 jyl ishinde mal basy 200-ge jetti. Qaryzym da, eshkimge bereshegim de joq. Qazirgi kezde aıtýly qor taǵy bir tyń baǵdarlamany qolǵa alyp, biz sekildi aýyldy jerlerde turatyn sharýalardy bir qýantyp tastady. Máselen, buǵan deıin nesıeni rásimdeý úshin 10-13 qujat jıyp, biraz mekemelerdiń tabaldyryǵyn tozdyrǵanymyz ras. Oǵan eki aptadan asa ýaqyt ketetin. Al jańa baǵdarlama boıynsha ESQ kilti (elektrondy sıfrlyq qoltańba), jeke kýálik jáne kepildikke qoıatyn múlkiń bolsa jetkilikti. Eń bastysy, bul isti eshqaıda shapqylamaı, úıde otyryp-aq tyndyrýǵa bolady. Jeke óz basym, osydan birer saǵat buryn ǵana 4 mıllıon teńge nesıe alý úshin onlaıyn ótinim bergen edim, bas-aıaǵy 15 mınýt ishinde "maquldandy" degen habarlama keldi. Endi bes kúnniń ishinde qajetti qarajat qolyma tıedi. О́z isin endi bastap jatqan biz sekildi sharýalarǵa osyndaı qoldaý men qamqorlyq kórsetip otyrǵan Úkimetke jáne osy sala basshylary men mamandaryna alǵysym sheksiz", deıdi Aımuhan Anapııa.  

Rasynda da bul bastama kópshiliktiń kóńilinen shyqty. Aǵymdaǵy aıdyń basynda Memleket basshysy Qasym-Jomart Toqaev "Syndarly qoǵamdyq dıalog – Qazaqstannyń turaqtylyǵy men órkendeýiniń negizi" atty halyqqa Joldaýynda "Tıimdi shaǵyn jáne orta bıznes – qala men aýyldy damytýdyń berik negizi. Shaǵyn, ásirese, mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady" dep atap ótken bolatyn. Bul – aqıqat! Shaǵyn kásipkerlikpen aınalysatyn aýyl turǵyndaryn barynsha qoldaý qajet. Ásirese, "kásip bastaımyn" dep qulshynyp turǵan azamattardyń shaǵyn nesıege jyldam qol jetkizýin qamtymasyz etý óte mańyzdy. 

7

"Osy oraıda "Nesıeni aldyn-ala onlaıyn maquldaýǵa ótinish berý úshin ne isteý kerek?" degen saýaldyń týyndaýy zańdy. Oǵan aıtar jaýabymyz mynadaı: "Eger siz Aqmola nemese Almaty oblysynyń turǵyny bolsańyz jáne mal sharýashylyǵyn damytýǵa qarjy alǵyńyz kelse, www.online.fagri.kz portalyna kirińiz jáne kelisimge qol qoıyńyz. "Jańa ótinim jasaý" batyrmasyn basyp, ótinimdi jeke kabınet arqyly jiberińiz. Júıe memlekettik derekqordan aqparat suratý arqyly azamattyń nesıe alý múmkindigi men senimdiligin tekseredi. Oń nátıje bolǵan jaǵdaıda "jalǵastyrý" batyrmasy iske qosylady. "Kepildikti qamtamasyz etý" bóliminde kepilge qoıýdy josparlaǵan múlikke qatysty derekterdi engizińiz. Júıe múliktiń naryqtyq qunyn esepteıdi. Usynylǵan kepildik múlki jetkilikti bolǵan jaǵdaıda júıe kepildikti qamtamasyz etý jónindegi qujattarmen oblystyq fılıalǵa júginý múmkindigi týraly habarlamany kórsetedi", deıdi "Aýyl sharýashylyǵyn qarjylaı qoldaý qory" AQ Nesıeleý departamenti dırektorynyń orynbasary Armat Baızaqov.

Sońǵy jańalyqtar

Bar úmitimiz Almat Kebisbaevta

Sport • Búgin, 16:45

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar