Aımaqtar • 10 Qyrkúıek, 2020

Oblys ákimi óńirlik kásipkerler keńesiniń múshelerimen kezdesti

40 ret kórsetildi

Búgin aımaq basshysy Gúlshara Ábdiqalyqova jańadan saılanǵan óńirlik kásipkerler keńesiniń múshelerimen kezdesip, saladaǵy máselelerdi talqylady, dep habarlaıdy Egemen.kz.

"О́ńirlik kásipkerler keńesiniń úshinshi saılaýynda 8000-nan asa saılaýshy-kásipker sizderge daýys berip, tańdaý jasady. Elektoraldy kampanııa kezinde sizder ózderińizdiń joǵary kásibı deńgeılerińizdi kórsetý arqyly jeńiske jettińizder.       Búgingi kúni kásipkerlik salasyn damytý baǵytynda oblys ákimdigi óńirlik kásipkerler palatasymen tyǵyz baılanysta jumys jasaýda", dedi G.Ábdiqalyqova.

Kezdesýde oblys ákimi bıznes qaýymdastyq ókilderiniń ózekti máseleleriniń sheshilýine jáne kásipkerlerge qoldaý kórsetý baǵytynda turaqty kómektiń bar ekenin atap ótti. Sonymen birge shaǵyn jáne orta bıznes ıeleriniń jobalary qoldaý tabatynyn atap ótti.

"Qyzylorda" óńirlik ınvestısııalyq ortalyǵy aýyldyq eldi-meken kásipkerleriniń jobalaryn jeńildikpen nesıelendirýde úlken suranysqa ıe mıkroqarjy uıymy bolyp otyr. Onyń qyzmeti qoldanystaǵy zańnamalarǵa sáıkes 2020 jyldyń 31 qazanyna deıin shektelgen bolatyn. Degenmen, biz ortalyq qyzmetin 2025 jyldyń 31 jeltoqsanyna deıin uzarttyq. Jobany qarjylandyrý úshin ártúrli qarjy kózderinen 1,2 mlrd teńge qarjy tartyldy. Osyǵan oraı oblystyń 2023 jylǵa deıingi ekonomıkalyq damý josparyn jasadyq", dedi oblys ákimi.

Keńes múshelerimen kezdesýde aımaq basshysy karantın ýaqytynda bıznes sýbektileriniń 75 paıyzy jumysyn ýaqytsha toqtaǵanyn eskere kele, orta jáne kásip ıelerine turaqty qoldaý bolǵanyn atap ótti.

Aıta ketý kerek, tótenshe kezeń ýaqytynda óńirde 51 myńnan asa shaǵyn jáne orta bıznes sýbektisine salyqtyq jeńildikter berildi, 8 myńǵa jýyq kásipkerdiń nesıe tólemderi keıinge shegerilip, saýda nysandary 700 mln. teńgege jalǵa alý tólemderinen bosatyldy. Munan bólek, "Bıznestiń jol kartasy 2025" baǵdarlamasyn iske asyrýǵa bólingen qarjy 1,7 mlrd teńgeden 2,9 mlrd teńgege deıin ulǵaıtyldy.

Karantınnen keıin kásipkerler bıznesin ártaraptandyrýǵa kóshti. Aımaqta toqtap turǵan toıhanalardyń qyzmetin óndiriske baǵyttaý jumystary da júrgizilýde. Búgingi kúnniń ózinde 9 toıhana óz qyzmetin basqa salaǵa aýystyrýǵa daıyn.

Basqosýda keńes múshesi, "K-GroupLTD" JShS dırektory Qaırat Boranbaev pen kásipker Aıtkúl Ábdiqadyrova sóz alyp, kásipkerlikke baǵyttalǵan granttar men óndiris oryndaryn ashý máselesin sóz etti. Sondaı-aq, kásipker Manarbek Espenbetov qurylys salasynyń mamandaryn daıarlaýda jastardy tájirıbe alańyna tartý máselesin kóterdi.

О́z kezeginde aımaq basshysy jańa óndiris nysandaryn ashý arqyly baǵyttas shaǵyn óndirister quryp, turaqty jumys kózderin taýyp, kásipkerlerdi oqytý máselelerine jete mán berý qajettigin qaperge saldy.

Kezdesýde oblys ákimi osy kezge deıin óńirlik keńes tóraǵasy qyzmetin atqarǵan, pandemııa kezeńinde halyq qajettiligine oraı qyzmet kórsetken kásipker Dinmuhamed Abızovqa "Halyq alǵysy" medalin tabystady.

Jıyn sońynda Gúlshara Ábdiqalyqova bıylǵy jyly 26 mlrd teńgeni quraıtyn 108 jobany iske asyrý arqyly óńirde 2000-ǵa jýyq jańa jumys orny qurylyp, kásipkerlerge qolaıly jaǵdaı jasalatynyn atap ótip, kezdesýdi qorytyndylady.

 

Qyzylorda oblysy

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar