Qoǵam • 11 Qyrkúıek, 2020

"Nur Otan" partııasyna jańa múshelerdi qabyldaý ýaqytsha toqtatyldy

49 ret kórsetildi

"Nur Otan" partııasyna jańa múshelerdi qabyldaý 11 qyrkúıekten 4 qazanǵa deıin ýaqytsha toqtatyldy. Bul týraly "Nur Otan" partııasy Tóraǵasynyń birinshi orynbasary Baýyrjan Baıbek Facebook jelisindegi paraqshasynda jazdy, dep habarlaıdy Egemen.kz.

"Búgin Praımerız ótkizý jónindegi Ortalyq uıymdastyrý komıtetiniń otyrysynda "Nur Otan" partııasyna jańa músheler qabyldaýdy bıylǵy 11 qyrkúıekten 4 qazanǵa deıingi aralyqta, ıaǵnı daýys berý aıaqtalǵanǵa deıin toqtata turý týraly sheshim qabyldandy.
 
Sońǵy kezde bizge jekelegen azamattardan "óz" kandıdattaryna daýys bergizý maqsatynda partııaǵa májbúrlep kirgizý týraly "aryzdar" túsýde. Buǵan múldem jol berýge bolmaıdy dep esepteımin. Mundaı árbir faktini túrli deńgeıdegi partııalyq baqylaý komıssııasy jan-jaqty qaraıtyn bolady.
 
Jarǵymyzǵa sáıkes partııaǵa múshe bolý elimizdiń árbir azamatynyń erikti jáne ózindik tańdaýy bolyp tabylatynyn taǵy da atap ótkim keledi. Sonymen, 1 tamyzdan beri "Nur Otan"-ǵa 25 myńdaı jańa belsendi azamat múshelikke ótti. Sońǵy jyldary "partııalastar qataryn tazartý" aıasynda "Nur Otan"-nan 256 myń adam shyǵarylǵan bolatyn. Búginde partııamyz qatarynda barlyǵy 835 myń qazaqstandyq bar.
 
О́zderińizge málim, praımerızde onlaın-daýys berýdiń aıqyndyǵyn qamtamasyz etý úshin biz arnaıy rastaý (verıfıkasııa) júıesin paıdalanyp otyrmyz (tulǵany ınternet-bankıng úlgisi boıynsha anyqtaý). Júıeniń prınsıpi: "Bir daýys, bir JSN, bir mobıldi nómir jáne bir IP-adres". Eger osy derekterdiń biri sáıkes kelmese, onda adam "praımerız" aqparattyq júıesine tirkele almaıdy, ıaǵnı daýys bere almaıdy. Munyń barlyǵy túrli aıla-sharǵyǵa, burmalaýshylyqtarǵa, sondaı-aq yqtımal jappaı daýys berýge jol bermeý maqsatynda istelip otyr.
 
Qurmetti dostar! Barlyq tártip buzý faktileri boıynsha bizdiń 8 (800) 080 4441 (qońyraý soǵý tegin) jedel jelisine ne komek@nurotan.kz elektrondy pochtasy arqyly habarlasa alasyzdar. Partııalyqtardyń, jurtshylyqtyń qoldaýymen biz Elbasy, "Nur Otan" partııasynyń Lıderi Nursultan Nazarbaev aıtqandaı, praımerızdi ashyq, ádil jáne barshaǵa teń jaǵdaıda ótkizetinimizge senimdimin", dep jazdy Baýyrjan Baıbek.
Sońǵy jańalyqtar

Bılikten ketkisi joq

Álem • Keshe

Venesııadan nesi kem?

Qoǵam • Keshe

Jaýaby joq jumbaq taǵdyr

Ádebıet • Keshe

Aınalma joldyń azaby

Aımaqtar • Keshe

Uqsas jańalyqtar