Byltyr Memleket basshysy Qasym-Jomart Toqaev Qazaqstan halqyna Joldaýynda fýtbol klýbtaryn jekeshelendirý máselesin kótergen edi. Osy tapsyrmadan keıin eldegi birqatar klýb jeke ınvestorlardyń basqarýyna kóshti. Solardyń biri – «Integra Construction KZ» kompanııasynyń qaramaǵyna ótken Shymkenttiń «Ordabasy» fýtbol klýby.
Búginde klýbta júıeli ózgerister qolǵa alynǵan. Tolyqqandy rebrendıng júrgizilip, komandanyń marketıngtik, medıa saıasaty jańartylyp jatyr. Klýb ımıdjin arttyrý maqsatynda demeýshiler tartylyp, tanymal óner, sport sheberleri ambassador retinde jumyldyrylǵan. Bul otandyq fýtboldaǵy jańa basqarý mádenıetiniń qalyptasyp kele jatqanyn ańǵartady.
8-týr aıasyndaǵy ortalyq kezdesýlerdiń biri Shymkentte ótti. «Ordabasy» óz alańynda el chempıonatynyń birneshe dúrkin jeńimpazy «Aqtóbe» klýbyn qabyldady. 20 myńǵa jýyq jankúıer jınalǵan tartysty oıynda alań ıeleri alǵashqy mınýttardan belsendilik tanytty.
Kezdesýdiń ekinshi mınýtynda Elhan Astanov esep ashyp, shymkenttikterdi alǵa shyǵardy. Moldovalyq maman Andreı Marten shákirtteri birinshi taımda shabýyldy údetip, qarsylas qaqpasyna birneshe qaýipti soqqy baǵyttady.
О́z kezeginde, quramynda Lýısh Nanı syndy tájirıbeli fýtbolshy óner kórsetetin «Aqtóbe» de qarap qalmady. Alaıda alǵashqy taımda jasalǵan alty soqqynyń eshqaısysy nysanaǵa dál tımedi.
Ekinshi taımda qonaqtar oıyndy óz baqylaýyna alýǵa tyrysty. Dopty ıelený kórsetkishi 62%-ǵa jetkenimen, Stefan Tarkovıch jattyqtyratyn ujym shabýylda ótkirlik tanyta almady. Aqtóbelikter nebári bir ǵana dál soqqy jasaı aldy.
Kerisinshe, dopty az ıelengen «Ordabasy» shabýylda anaǵurlym nátıjeli boldy. Aleksandr Zarýskıı qorǵaǵan qaqpaǵa 11 soqqy jasap, sonyń birin golǵa aınaldyrdy. Oıynnyń 90-mınýtynda alańǵa qosalqy quramnan shyqqan Ámir Jasulan Vladıslav Naýmestiń dál pasyn baspen qaqpa toryna toǵytyp, match taǵdyryn túbegeıli sheshti.
Osylaısha, 2:0 esebimen jeńiske jetken shymkenttik komanda 18 upaı jınap, «Qaıratpen» birge týrnır kestesiniń kósh basyna shyqty. Bul jeńis «Ordabasynyń» bıylǵy maýsymda chempıondyqqa shyn máninde úmitker ekenin kórsetti.
Týrdyń ózge kezdesýlerinde mynadaı nátıjeler tirkeldi: «Kaspıı» – «Astana» – 1:0, «Jeńis» – «Tobyl» – 1:0, «Atyraý» – «Altaı» – 1:0, «Ulytaý» – «Elimaı» – 1:0, «Qaısar» – «Jetisý» – 1:1, «Ertis» – «Qaırat» – 0:1, «Qyzyljar» – «Oqjetpes» – 0:1.
8-týr qorytyndysy kórsetkendeı, bıylǵy chempıonatta báseke kúsheıip, ár upaı úshin tartys qyza túsken. Al «Ordabasynyń» senimdi oıyny men jańa basqarý júıesi komandanyń uzaqmerzimdi tabysqa baǵyt alǵanyn ańǵartady.
Astana – Shymkent – Astana
