Kýrs boıynsha sabaqtar Serjanttar quramymen jumys basqarmasy men Áskerı polısııa bas basqarmasy mamandarynyń basshylyǵymen, sonymen qatar, Qorǵanys mınıstrligi Kadet Korpýsynyń nusqaýshylarymen birlesip ótti.
Bir apta ishinde áskerı qyzmetshiler táýekelderdi basqarý, qarý-jaraq pen oq-dáriler, áskerı tehnıkamen jumys kezinde qaýipsizdikti qamtamasyz etý, órtke qarsy qaýipsizdik sharalary, alǵashqy medısınalyq kómek kórsetý, jol-kólik oqıǵalarynyń aldyn alý, qarjylyq saýattylyq jáne ózge de taqyryptar boıynsha bilim aldy.
Nusqaýshylardyń aıtýynsha bilim alýshylar sabaq taqyrybyna úlken qyzyǵýshylyq tanytty. Al, kýrstyń ózi oqytýdyń pikirtalas tásili boıynsha ótti.
"Jeke quramnyń ómiri men densaýlyǵyn saqtaý» – sarbazdarǵa jaqyn komandırler retinde serjanttardyń negizgi mindeti bolyp tabylady. О́zderińiz biletindeı, Qarýly Kúshter qurylymynda 2019 jyly qaýipsizdikke jaýapty shtattyq jáne shtattan tys laýazymdar paıda boldy. Búgin áskerı qyzmetshilerdi osy taqyryp boıynsha oqyta otyryp, tájirıbe men bilimdi bere aldyq dep úmittenemiz", – dedi Qarýly Kúshterdiń Bas serjanty sheber-serjant Temirbek Halyqov.
Esterińizge sala keteıik, Qazaqstan Qarýly Kúshterinde 2020 oqý jyly "Áskerı qyzmettiń qaýipsizdik jyly" bolyp jarııalandy. О́tken jyly áskerı polısııa organdarynyń qurylymynda arnaıy bólimshe qurylǵan bolatyn. Ondaǵy mamandar áskerı bólimder men mekemelerdiń qaýipsizdik talaptarynyń saqtalýyn baqylaıdy.
