Joǵary nagradany Elshilik ǵımaratynda saltanatty túrde tabystaý kezinde Elshi L.Koshýtqa Abaı týyndylaryn nemis tildi oqyrmandarǵa tanystyrý arqyly Qazaqstan men Germanııa arasyndaǵy dostyq qarym-qatynasty nyǵaıtýǵa jyldar boıy shyǵarmashylyq úles qosqany úshin alǵys bildirdi.
L.Koshýt 1923 jyly 25 shildede dúnıege kelgen. Onyń kásibı qyzmeti orystyń klassıkalyq jáne HH ǵasyrdaǵy Sovet Odaǵynyń ádebıet shyǵarmalaryn nemis tiline aýdarýmen baılanysty boldy.
QR-dyń GFR-daǵy Elshiliginiń "Qazaq kitaphanasy" jobasy aıasynda 2007 jyly Gerold Belgerdpen birge L.Koshýt Abaıdyń "Qara sózderin" nemis tiline aýdardy, al 2018 jyly "Zwanzig Gedichte" dep atalatyn nemis tilindegi Abaı óleńderiniń jınaǵyn jarııalady.
Sonymen qatar, L.Koshýt Oljas Súleımenovtiń "Kóshpendiler azımýty" atty poezııa jınaǵyn nemis tiline aýdarǵan.
