Aımaqtar • 15 Qyrkúıek, 2020

Oqýshylar qant dıabeti mektebin ashýdy josparlaıdy

55 ret kórsetildi

Qyzylorda qalasyndaǵy Nazarbaev Zııatkerlik mektebiniń oqýshylary Ábilqaıyr Erǵalıev pen Jangereı Zınelov qant dıabetimen aýyratyn balalar úshin óńirde arnaıy mektepter qurýdy usynady. Daryndylardyń bul ıdeıasy Qyzylorda oblystyq Qazaqstan halqy Assambleıasy uıymdastyrǵan Dostyk.kz áleýmettik jobalar baıqaýynda joǵary baǵalanyp, birinshi oryndy ıelendi, dep habarlaıdy Egemen.kz.

Qyzylordalyq órender qant dıabeti mektebin ashýdy kópten josparlaǵan eken. Aýrýdyń negizgi sebepterin jáne olardy sheshý joldaryn zerttegen olar bul dertke shaldyqqandar úshin aqparattyq materıaldardyń jetkiliksiz ekenin baıqapty.

"О́kinishke qaraı qazirgi tańda aımaqta endokrınolog mamandary tapshy, naýqastardyń saýattylyǵy da tómendigi úlken másele bolyp otyr. Qant dıabeti mektebinde balalar aýrý saldaryn aldyn alý úshin densaýlyqtaryna baqylaý júrgizýdi, durys tamaqtanýdy úırenedi jáne kásibı keńester ala alady", – deıdi Ábilqaıyr.

Dıabet mektebiniń ereksheligi – munda kelýshiler teorııalyq bilim alyp qana qoımaı, praktıkalyq daǵdylaryn da arttyra alady. Joba avtorlary osy dertpen aýyrǵandarǵa arnaıy dári-dármekter jınaqtalǵan medısınalyq sómkeler ázirledi. Sondaı-aq oqýshylar aýrýdyń alǵashqy belgileri, sebepteri men saldary, ózderi júrgizgen zertteýleri nátıjesinde ınsýlın dozasyn esepteý jáne dert túrine sáıkes tutynýǵa ruqsat etilgen qant mólsheri jaıynda aqparattyq broshıýralar jasap shyǵarǵan.

"Bul bizdiń aımaq úshin noý-haý. Osy arqyly dertke shaldyqqan jasóspirimderge kezdesetin qıyndyqtardy jeńýge kómektesemiz. Bizdiń basty maqsatymyz – qant dıabeti ómir súrý úshin kedergi emes ekenin túsindirý. Eger jergilikti bılik tarapynan qarjylandyrý men qoldaý tapsaq, biz óz jobamyzdy júzege asyrýǵa daıynbyz", – deıdi Jangereı.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar