Oblystyq bilim basqarmasynyń basshysy Gúlnar Hodjabergenovanyń aıtýynsha, oblystaǵy 234 mektepte 208000 oqýshy qashyqtyqtan jáne epıdemıologııalyq jaǵdaı turaqty shalǵaı eldimekenderde ornalasqan 208 mektepte 30681 oqýshy dástúrli túrde bilim alýda. Jalpy, qashyqtyqtan oqıtyn mektepterdegi bastaýysh synyptarda 3727 "kezekshi synyptar" ashylyp, onda dástúrli túrde 51420 oqýshy oqyp jatyr.
Qashyqtyqtan oqytýdy tıimdi uıymdastyrý maqsatynda mektepterdiń teńgerimindegi 17545 dana kompıýter az qamtamasyz etilgen jáne kópbalaly otbasynyń, jetim jáne ata-anasynyń qamqorlyǵynsyz qalǵan, erekshe bilim alýdy qajet etetin balalarǵa berildi. Al, 26483 dana kompıýterlik tehnıka satyp alýǵa respýblıkalyq bıýdjetten 4,1 mıllıard teńge bólingen. Jańa oqý jyly bastalǵanǵa deıin Baızaq, Jambyl, Qordaı, Merki, T.Rysqulov, Shý aýdandarynyń jáne Taraz qalasynyń mektepterine 2030 planshet taratyldy.
"Endi qyrkúıek-qazan aılarynda 2756 kompıýter, 20156 noýtbýk, 1541 planshet alynyp, oqýshylarǵa taratylatyn bolady. Budan bólek, qashyqtyqtan oqıtyn mektepterdegi az qamtamasyz etilgen jáne kópbalaly otbasy balalaryn, jetim jáne ata-anasynyń qamqorlyǵynsyz qalǵan balalardy ınternetpen qamtamasyz etý úshin jergilikti bıýdjet esebinen satyp alynatyn 22904 roýterdiń 3107-si mektepterge jetkizildi. Bul jumystar jalǵasyn tabatyn bolady", dedi basqarma basshysy.
