Shet elderge jumysqa baratyn dıplomattarmen áńgimelesý tájirıbesi júıelik dástúrge aınaldy. Dıplomattar shet elderde bolý jaǵdaıyndaǵy etıkalyq minez-qulyq normalary týraly, memlekettik qyzmet tarapynan olarǵa qoıylatyn shekteýler týraly jáne ártúrli jaǵdaılarda ózin-ózi ustaý jóninde keńester alady.
Bıylǵy kezdesý erekshe sıpatta ótti. Áńgime shet elderde bizdiń azamattarymyzdyń quqyqtaryn qorǵaıtyn konsýldyq qyzmetkerlermen ótti. QR SIM "Adaldyq alańy" jobalyq ofısiniń jumysyndaǵy basty baǵyttardyń biri – konsýldyq baǵyt ekenin atap ótý qajet. Sheteldegi konsýldyq qyzmetkerlerdiń jumysyna qarap azamattar Mınıstrliktiń jáne barlyq memlekettik qyzmettiń jumysyn baǵalaıdy. Osyǵan baılanysty konsýldarǵa Qazaqstan Respýblıkasynyń barlyq memlekettik organdardyń ókili retinde erekshe jaýapkershilik júkteledi.
Áńgimelesý barysynda dıplomattar aǵymdaǵy jyldyń qyrkúıek aıynda Sybaılas jemqorlyqqa qarsy is-qımyl agenttiginiń bastamasymen iske asyrylǵan "Sybaılas jemqorlyq bizde joq" aksııasymen tanystyryldy. Bul aksııanyń negizgi baǵyttarynyń biri – memlekettik organdardyń ashyqtyq deńgeıi, olardyń azamattardyń suranystaryna jaýap berý qabileti, kelýshiler úshin basshylyqtyń qol jetimdiligi týraly halyqtyń pikirin zertteý. Túrli sebeptermen shetelde júrgen Qazaqstan Respýblıkasynyń azamattary da elimizdiń azamattyq qoǵamynyń tolyqqandy ókilderi bolyp tabylady jáne olardyń sybaılas jemqorlyqqa qarsy jumys týraly pikiri de mańyzdy. Osyǵan baılanysty konsýldyq qyzmetkerler ózderiniń sheteldik mıssııasyn adaldyq, ashyqtyq, kásibılik qaǵıdasy negizinde qurýy jáne memleketimizdiń sybaılas jemqorlyqqa qarsy saıasatynyń jolserigi bolýy tıis.
Pikir almasý barysynda syrtqy saıası vedomstvosynyń ereksheligin eskere otyryp, Syrtqy ister mınıstrliginde "Adaldyq alańy" jobasynyń jumysyn jetildirý jáne keńeıtý, sybaılas jemqorlyqqa qarsy kúres máselelerinde halyqaralyq tájirıbeni paıdalaný jáne sheteldik ókildikterdiń QR SIM "Adaldyq alańy" jobalyq ofısimen tyǵyz ózara is-qımyly týraly usynystar aıtyldy.
Jaqyn arada mundaı kezdesýler jalǵasyn taýyp, shetelge shyǵatyn barlyq dıplomattardy qamtıtyn bolady. "Adaldyq alańy" ıdeologııasy – sybaılas jemqorlyqtan azat aýmaqtar edáýir keńeıtiletin bolady.
