Sırııada Bashar Asadtyń áskerleri sodyrlar sapynda júrgen qazaqstandyq azamattardy joıyp jiberdi. Keshe ol úkimet jasaqtarynyń Túrkııamen shekarada arnaıy júrgizilgen operasııasy qorytyndysynda belgili boldy. Bul týraly aspekty.net saıty habarlady.
Uzaqqa sozylǵan keskilesken shaıqastyń sońynda soldattar 120-dan astam qarsylyq qozǵalysy jaýyngerin qurtyp jiberdi. О́kinishke oraı, olardyń arasynda Qazaqstannan barǵan eriktiler de bolǵan.
KTK telearnasy habarlaǵandaı, bul aýdanda «Al-Kaıda» lańkestik uıymynyń «Al-Nýsra» toby kópten beri áreket etip júrgen. Ondaǵy qaraqshylar tobyn álemniń túkpir-túkpirinen, negizinen Mysyrdan, Iraktan, Lıvııa jáne Fılıppın elderinen kelgen sodyrlar quraǵan. Bul sapta TMD elderinen, sonyń ishinde Reseıden jetken sarbazdar da az emes. Endi málim bolyp otyrǵandaı, munda Qazaqstannan kelýshiler de qarasy da edáýir eken. Biraq bizdiń olardyń naqty sany qansha bolǵanyn áli eshkim dóp basyp aıtyp bere almaıdy. Sol sııaqty sońǵy shaıqasta qansha qazaqtyń qaza tapqany da beımálim. Degenmen, Sırııa derekkózderi olardyń báriniń urys aýdandarynda otbasylarymen birge júrgenderin jetkizedi.
Eske sala keteıik, munyń aldynda buqaralyq aqparat quraldarynda Sırııadaǵy soǵysqa Qazaqstannan júz elý shamalas eriktiniń attanǵany týraly aqpar taraǵan. Taıaý Shyǵysqa olar otbasylarymen birge kishkentaı balalaryn da ala ketipti. Bulardyń qataryndaǵy keıbir jaýyngerlerdiń qaıdan shyqqandary da belgili boldy. Olar Qaraǵandy jáne Aqmola oblystarynyń týmalary kórinedi. Ázirge tiri qalǵandary ne qaza tapqandary týraly derek joq. Biraq bular Túrkııamen shekaradaǵy qyrǵynǵa qatysqan lańkestik uıymdarǵa túspegen bolyp shyqty.
Qaırat Qojanazar.
