Atap aıtqanda, Áýezov aýdanynyń 12-shi shaǵyn aýdanyndaǵy saıabaq aýmaǵynda syrtqy jaryqtandyrýdyń 50 birligi ornatylyp, aýmaq jabynmen, sonyń ishinde gazonmen qamtamasyz etildi.
Almaly aýdanynda ornalasqan Maqataev atyndaǵy saıabaq aýmaǵy 4,8 myń sharshy metr bolatyn ýchaskeni kógaldandyrý jumystary júrgizildi. «Mahabbat» skveri de Almaly aýdanynyń aýmaǵynda ornalasqan, munda da osyǵan uqsas jumystar aıaqtaldy.
Jalpy, qala turǵyndarynyń qolaıly demalysy úshin qajetti jaǵdaıdy jasaı otyryp, atalǵan jobalardy júzege asyrý qalanyń ınfraqurylymyn jaqsartýǵa múmkindik beredi.
«Saıabaq – shyǵarmashylyq ıntellıgensııany, jas aqyndar jáne jazýshylardy tartatyn orynǵa aınalýy tıis. Osy orynnyń atmosferasy shyǵarmashylyqqa shabyttandyratyndaı jaǵdaıy jasalýy kerek degen mindet qoıdym», – dedi Almaty qalasynyń ákimi Baqytjan Saǵyntaev.
Sonymen birge atalǵan jobalar jumys oryndarynyń qurylýyn qarastyrady. Megapolıste «Jumyspen qamtýdyń jol kartasy» baǵdarlamasy boıynsha ınfraqurylymdyq 214 jobany júzege asyrý úshin 26 myń jańa jumys ornyn qurý josparlanýda. Sol arqyly qyzmetkerlerdiń keminde 50 paıyzyn halyqty Jumyspen qamtý ortalyqtary arqyly qamtamasyz etý kózdelgen.
