Qazaqstan • 21 Qyrkúıek, 2020

Latyn Amerıkasy– jemqorlyqqa qarsy seriktestiktiń jańa baǵdary

23 ret kórsetildi

Qazaqstannyń Ońtústik Amerıka elderimen jemqorlyqqa qarsy is-qımyl máseleleri boıynsha yntymaqtastyqty keńeıtý jolyndaǵy alǵashqy el – Brazılııa, dep habarlaıdy Egemen.kz Agenttiktiń baspasóz qyzmetine silteme jasap. 

Alık Shpekbaev Brazılııa Federatıvtik Respýblıkasynyń Tótenshe jáne О́kiletti Elshisi Rýbem Antonıo Korrea Barbozamen kezdesip, Qazaqstanda júrgizilip jatqan jemqorlyqqa qarsy reformalardy talqylady. Kezdesý barysynda saıası jańǵyrtýǵa, parlamentarızmdi damytý men Memleket basshysynyń Joldaýynda aıtylǵan bastamalarǵa erekshe nazar aýdaryldy.

Sondaı-aq, Brazılııa elshisine halyqaralyq standarttardy engizý boıynsha, sonyń ishinde sybaılas jemqorlyq faktileri týraly habarlaǵan adamdardy qorǵaýdyń keshendi júıesin qalyptastyrý, memlekettik qyzmetshiler men olardyń jubaılary úshin sheteldik ıýrısdıksııalardaǵy aktıvterdi ıelenýge tyıym salý, zańsyz baıý úshin jaýapkershilik engizý jónindegi Antıkor qabyldaǵan sharalar týraly aqparat berildi.

О́z kezeginde Korrea Barboza myrza Agenttikke kelýiniń elshi bolyp taǵaıyndalǵan kezden bastap Qazaqstanda alǵash ret memlekettik organǵa aıaq basýy ekenin atap ótip, óz eliniń sybaılas jemqorlyqqa qarsy saıasatynyń ınstıtýsıonaldyq negizderi týraly egjeı-tegjeıli aıtyp berdi.

Brazılııanyń sybaılas jemqorlyqqa qarsy is-qımyl júıesine 5 negizgi sýbekt kiredi: bas baqylaýshy, federaldy polısııa, federaldy esep palatasy, qoǵamdyq mınıstrlik jáne qarjylyq qyzmetti baqylaý keńesi.

Álemge áıgili "Ashyqtyq portaly" resmı memlekettik resýrsy Qazaqstan tarapynyń erekshe qyzyǵýshylyǵyn týdyrdy. Onda federaldyq bıýdjet pen shtattar bıýdjetteri shyǵystarynyń baptary, eldiń saıasatkerleri men sheneýnikteriniń deklarasııalary, sondaı-aq azamattar men BAQ-ty qyzyqtyratyn birqatar ózge qarjylyq aqparat ornalastyrylǵan. Elshiniń aıtýynsha, portal bıýdjet qarajatynyń jumsalýyn qoǵamdyq baqylaýdyń qýatty quralyna aınaldy jáne onyń arqasynda memlekettik apparattyń shyǵystary 25% - ǵa qysqardy. Resýrs múmkindikteriniń mysaly retinde Elshi myrza tipti onyń jalaqysy osy resýrsta ornalastyrylǵanyn atap ótti.

Kezdesý sońynda taraptar quzyretti organdarmen qosa, odan ári yntymaqtastyq týraly jáne sybaılas jemqorlyqqa qarsy is-qımylda ózara qoldaý kórsetý týraly ýaǵdalasty.

 

 

 

Sońǵy jańalyqtar

Jańaqala jigitteriniń jaqsy isi

Qoǵam • Búgin, 20:15

Oqýshy neden kóz jumdy?

Qoǵam • Búgin, 19:35

Qostanaıda qurylys alańy otqa orandy

Aımaqtar • Búgin, 18:55

Qaraǵandy oblysynda zeınetkerler tonaldy

Aımaqtar • Búgin, 16:37

О́z týystaryn tonaýshylar kóbeıgen

Aımaqtar • Búgin, 16:07

Elordada qylmys sany 20%-ǵa azaıǵan

Aımaqtar • Búgin, 15:24

BQO: Balany qar úıindisi basyp qaldy

Aımaqtar • Búgin, 15:12

Indet juqtyrǵandar sany kóbeıdi

Koronavırýs • Búgin, 13:58

Aldaǵy kúnderi qar jaýyp, kún jylynady

Qazaqstan • Búgin, 12:47

Uqsas jańalyqtar