"Sıfrlyq jaz" baǵdarlamasy qazaqstandyq joǵary oqý oryndarynyń bakalavrıat jáne magıstratýra stýdentterine "Samuryq-Qazyna" UÁQ" AQ portfeldik kompanııalarynda, onyń ishinde "Qazmunaıgaz", "Qazaqstan temir joly", "Qazposhta", "Samuryq-Energo", "Qazaqtelekom" jáne t.b. kompanııalarda 2 aılyq taǵylymdamadan ótýge múmkindik beredi. 2018 jyly joba iske qosylǵan sátten bastap Qordyń kompanııalar tobyna 43 jas maman jumysqa ornalastyryldy.
Osylaısha, bıyl taǵylymdamadan ótýshiler "QTJ" UK" AQ enshiles kompanııalarynda juqtyrý sany boıynsha chat-botty ázirleý jónindegi jobaǵa, "Samuryq-Energo" AQ-da energııa óndirý júktemesi boıynsha prosesti avtomattandyrý jónindegi "SE Monitoring" jobasyna, sondaı-aq "Qazaqoıl Aqtóbe" JShS-da "Munaıshy kúni" is-sharasyn ázirleý sııaqty iri jobalarǵa belsendi qatysty.
Aıta keteıik, árbir qatysýshyǵa kompanııa qyzmetkerleri qatarynan jeke tálimger bekitilgen.
О́z kezeginde, jobalyq top taǵylymdama qorytyndysy boıynsha jyl saıynǵy "Summer HACK 2020" Hakatonyn onlaın rejımde ótkizdi. Hakaton barysynda onlaın-alańdardy paıdalanýdan bastap, ár komandanyń onlaın-tálimgerligine deıingi barlyq tehnıkalyq múmkindikter iske qosyldy. Osylaısha, qatysýshylar "Samuryq-Qazyna" qory kompanııalar tobynyń naqty bıznes mindetterin sheshti.
Esterińizge sala keteıik, Qordyń Basqarma Tóraǵasy Ahmetjan Esimov "Sıfrly jaz" baǵdarlamasyna oń baǵa berdi, ol Qordyń kompanııalar tobyna jas jáne talantty mamandardy irikteýge múmkindik beredi. Osy baǵdarlamanyń biregeı erekshelikteriniń biri SAP, Microsoft, Cisco, IBM sııaqty kompanııalardan jáne "Samuryq-Qazyna" korporatıvtik ýnıversıtetinen hard-skills jáne soft-skills boıynsha oqytý bolyp tabylady.
