Qazaqstan Respýblıkasy Qarjy mınıstrliginiń Memlekettik kirister komıteti salyq zańnamasy TIJ engizýdi kózdeıtindigin habarlaıdy.
TIJ resimdeý jáne resimdeý tártibin saqtaý normalary Salyq kodeksiniń 176-babymen, sondaı-aq Qazaqstan Respýblıkasy Premer-Mınıstriniń Birinshi orynbasary - Qazaqstan Respýblıkasy Qarjy mınıstriniń 2019 jylǵy 26 jeltoqsandaǵy №1424 buıryǵymen anyqtalady.
TIJ - bul Qazaqstan Respýblıkasy Qarjy mınıstrligi Memlekettik kirister komıtetiniń «Elektrondy shot-faktýralar» (EShF AJ) aqparattyq júıesinde elektrondy nysanda resimdeletin taýarlarǵa ilespe qujat.
TIJ resimdeý úshin Halyqqa qyzmet kórsetý ortalyqtarynda alýǵa bolatyn, ESQ kómegimen Elektrondyq shot-faktýralardyń aqparattyq júıesin paıdalaný týraly kelisimge qol qoıý arqyly ESF AJ-da tirkelý qajet. EShF AJ-da tirkelý jáne jumys aqysyz júzege asyrylatynyn aıta ketý kerek.
TIJ aksızdeletin taýarlardy ótkizý jáne satý kezinde, Dúnıejúzilik saýda uıymynyń alyp qoıý tizbesinen taýarlardy (taýarlardyń atalǵan tizbesimen Eýrazııalyq ekonomıkalyq komıssııa Keńesiniń 2015 jylǵy 14 qazandaǵy №59 sheshiminde tanysýǵa bolady) jáne olarǵa elektrondy shot-faktýralar vırtýaldy qoıma modýli arqyly jazyp beriletin taýarlardy (taýarlardyń atalǵan tizbesimen Qazaqstan Respýblıkasy Premer-Mınıstriniń Birinshi orynbasary - Qazaqstan Respýblıkasy Qarjy mınıstriniń 2019 jylǵy 23 sáýirdegi №384 buıryǵynda tanysýǵa bolady) satý kezinde resimdeýge jatady. Sondaı-aq, TIJ eksporttyq-ımporttyq operasııalar kezinde resimdeýge jatady.
TIJ-ny resimdeý boıynsha mindettemelerdi kezeń-kezeńimen 2021 jyldyń 1 jartyjyldyǵynda engizý josparlanyp otyr. Sonymen birge, 2020 jylǵy 1 qarashadan bastap TIJ resimdeýdiń pılottyq jobasyn iske qosý josparlanýda.
Pılottyq joba salyq tóleýshilerdiń TIJ-men jumys isteýge beıimdelýi, ózderiniń esep júıesin jáne jetkizýshilermen jáne satyp alýshylarmen ózara is-qımyldy jolǵa qoıý úshin arnalǵan.
TIJ resimdeý boıynsha suraqtar men usynystardy mynadaı elektrondy meken-jaıǵa:
snt@mgd.kz – ádistemelik sıpattaǵy máseleler boıynsha;
esfsd@mgd.kz – tehnıkalyq sıpattaǵy máseleler boıynsha joldaýǵa bolady.
