SQO veterınarııa basqarmasynyń basshysy Berik Áljanovtyń aıtýynsha, osy aýmaqtaǵy úı qustarynyń barlyǵyna ekpe jasalady. Aýrý oshaǵy jańadan tabylǵan jaǵdaıda ol jerde de vaksınasııa júrgiziledi.
"Oblystyń 11 aýdanynda úı qusy qyryldy. Onyń jeteýinde qus tumaýy rastaldy. Ázirge 11 eldimekenge karantın engizildi. Taǵy alty aýyldy karantınge jabý máselesi qaralyp jatyr. О́ńirde respýblıkalyq epızootııalyq jasaq jumys isteýde. Dezınfeksııalyq bógetterdi qoıa bastady. Búgin turǵyndardan ólgen jáne aýyrǵan qustardy alý jóninde arnaıy qaýly shyǵady. Sodan keıin qustar alynyp, joıylady. Qustardyń kózin joıý úshin qozǵalmaly ınsınerator keldi", deıdi Berik Áljanov.
Aıta keteıik, búgin ortalyq kommýnıkasııalar qyzmetinde QR Aýyl sharýashylyǵy mınıstriniń orynbasary Gúlmıra Isaeva bastaǵan bir top maman qus tumaýyna qatysty jýrnalısterdiń suraqtaryna jaýap bergen edi.
